കെ.എസ്.ആര്‍.ടി.സി ബസിനുള്ളില്‍ വച്ച്‌ വനിത കണ്ടക്ടര്‍ക്ക് നേരെ ലൈംഗിക അതിക്രമം നടത്തിയ യുവാവ് അറസ്റ്റില്‍
കോഴിക്കോട്: കെ.എസ്.ആര്‍.ടി.സി ബസിനുള്ളില്‍ വച്ച്‌ വനിത കണ്ടക്ടര്‍ക്ക് നേരെ ലൈംഗിക അതിക്രമം നടത്തിയ യുവാവ് അറസ്റ്റില്‍. കാസര്‍ഗോഡ് ചിറ്റാരിക്കല്‍ സ്വദേശി ഷൈജു ജോസഫ് (28) നെയാണ് നടക്കാവ് പോലീസ് അറസ്റ്റ് ചെയ്തു. പീഡനശ്രമം, കൃത്യനിര്‍വഹണം തടസ്സപ്പെടുത്തല്‍ എന്നീ വകുപ്പുകള്‍ പ്രകാരമാണ് ഇയാള്‍ക്കെതിരെ പോലീസ് കേസെടുത്തത്.
ചൊവ്വാഴ്ച വൈകീട്ട് മൂന്നു മണിയോടെ കണ്ണൂരില്‍ നിന്ന് കോഴിക്കോട്ടേക്ക് വരുകയായിരുന്ന ബസിലെ വനിത കണ്ടക്ടറോടാണ് പ്രതി അതിക്രമം നടത്തിയിരിക്കുന്നത്.
