ഗതാഗതം നിരോധിച്ചു
കുന്നോത്തുപറമ്പ് പഞ്ചായത്തിനെയും പാറാട് പ്രദേശത്തെയും ബന്ധിപ്പിക്കുന്ന കല്ലിക്കണ്ടി പാലം പുനർനിർമ്മിക്കുമ്പോൾ ഒരുക്കിയ താൽക്കാലിക ഡൈവേർഷൻ റോഡ് കനത്ത മഴയിൽ അപകടാവസ്ഥയിലായതിനാൽ ഇതുവഴിയുള്ള വാഹന ഗതാഗതവും കാൽനട യാത്രയും നിരോധിച്ചു. പാറാട് വഴി പാനൂരിലേക്ക് പോകേണ്ട വാഹനങ്ങൾ കല്ലിക്കണ്ടി-തൂവ്വക്കുന്ന്-കുന്നോത്തുപറമ്പ് വഴി പാറാടിലേക്കും പാനൂർ പാറാട് വഴി നാദാപുരത്തേക്ക് പോകേണ്ട വാഹനങ്ങൾ പാറാട്-കുന്നോത്തുപറമ്പ്-തൂവ്വക്കുന്ന്-കല്ലിക്കണ്ടി വഴിയും പോകേണ്ടതാണെന്ന് തലശ്ശേരി പൊതുമരാമത്ത് വകുപ്പ് പാലം വിഭാഗം അസി. എഞ്ചിനീയർ അറിയിച്ചു.
