ജസ്ന തിരോധാനക്കേസ് അന്വേഷണം സി ബി ഐ ഏറ്റെടുത്തു.
ജസ്ന തിരോധാനക്കേസ് അന്വേഷണം സി ബി ഐ ഏറ്റെടുത്തു. സി ബി ഐയുടെ തിരുവനന്തപുരം യൂണിറ്റാണ് അന്വേഷണം നടത്തുന്നത്. നേരത്തേ കേസ് സി ബി ഐക്ക് വിടാൻ ഹൈക്കോടതി ഉത്തരവിട്ടിരുന്നു. കേസ് ഏറ്റെടുക്കാമെന്ന് സി ബി ഐയും ഹൈക്കോടതിയെ അറിയിച്ചിരുന്നു.
.
2018 മാർച്ച് 22 നാണ് വെച്ചൂച്ചിറ കൊല്ലമുള കുന്നത്ത് ജെയിംസ് ജോസഫിന്റെ മകൾ ജസ്ന മരിയയെ (20) കാണാതാകുന്നത്. കാഞ്ഞിരപ്പള്ളി സെന്റ് ഡൊമിനിക്സ് കോളജിൽ രണ്ടാം വർഷ ബി കോം വിദ്യാർത്ഥിനിയായിരുന്നു.
കാണാതായ ദിവസം മുണ്ടക്കയം പുഞ്ചവയലിലുള്ള ബന്ധുവീട്ടിലേക്ക് എന്ന് പറഞ്ഞ് പോയ ജസ്നയെ പിന്നീട് കണ്ടിട്ടില്ല. ആദ്യം ലോക്കൽ പൊലീസും പിന്നീട് ഐ ജിയുടെ നേതൃത്വത്തിലുള്ള സംഘവും അന്വേഷണം നടത്തിയെങ്കിലും ഒരു തുമ്പും ലഭിച്ചില്ല. എരുമേലി വരെ ജസ്ന പോയതായി സി സി ടി വി ദൃശ്യങ്ങളിൽ വ്യക്തമായിരുന്നു.
