ജോ ജോസഫിന് വോട്ടുചെയ്യണം; ബാലചന്ദ്രൻ ചുള്ളിക്കാടിന്റെ പ്രചാരണം
തൃക്കാക്കര ഉപതിരഞ്ഞെടുപ്പിൽ എൽഡിഎഫ് സ്ഥാനാർത്ഥി ജോ ജോസഫിനു വേണ്ടി വോട്ടഭ്യർഥിക്കാൻ കവി ബാലചന്ദ്രൻ ചുള്ളിക്കാട്. തൃക്കാക്കര മണ്ഡലത്തിന്റെ വികസനത്തിനായി എൽഡിഎഫിനു വോട്ട് ചെയ്യണമെന്ന് ചുള്ളിക്കാട് വോട്ടർമാരോട് അഭ്യർത്ഥിച്ചു.
മണ്ഡലത്തിലെ അടിസ്ഥാന സൗകര്യവികസനത്തിനാണ് മുൻഗണനയെന്നും അദ്ദേഹം പറഞ്ഞു. മണ്ഡലത്തിന്റെ പൊതുവായ ആവശ്യം നടപ്പാക്കണമെങ്കിൽ എൽഡിഎഫ് വിജയിക്കണമെന്നും അദ്ദേഹം പറഞ്ഞു. വോട്ടറെന്ന നിലയിലും അനുഭാവി എന്ന നിലയിലും പ്രചാരണത്തിൽ പങ്കെടുത്തുവെന്നും എല്ലാ തിരഞ്ഞെടുപ്പിലും എൽഡിഎഫിനു വേണ്ടി പ്രവർത്തിച്ചുവെന്നും അദ്ദേഹം പറഞ്ഞു.
