ധനസഹായത്തിന് അപേക്ഷിക്കാം

പത്തോ അതിൽ കൂടുതലോ പട്ടികജാതി വിഭാഗക്കാർ ചേർന്ന് രൂപീകരിച്ച സ്വാശ്രയ സംഘങ്ങൾക്ക് തൊഴിൽ സംരംഭങ്ങൾ തുടങ്ങുന്നതിന് ധനസഹായം നൽകുന്ന പദ്ധതിയിലേക്ക് അപേക്ഷിക്കാം. പരമാവധി 10 ലക്ഷം രൂപയാണ് ധനസഹായം. 80 ശതമാനം അംഗങ്ങളെങ്കിലും പട്ടികജാതിക്കാരായ വനിതാ സംഘങ്ങൾക്കും അപേക്ഷിക്കാം. 15 ലക്ഷം രൂപ വരെയുള്ള പ്രൊജക്ടുകളാണ് പരിഗണിക്കുക. 75 ശതമാനം തുക ധനസഹായമായി ലഭിക്കും. വിശദമായ പ്രെജക്ട് റിപ്പോർട്ട്, ഗ്രൂപ്പിലെ അംഗങ്ങളുടെ ജാതി സർട്ടിഫിക്കറ്റുകൾ, ബാങ്ക് പാസ് ബുക്കിന്റെ പകർപ്പ് (കോർ-ബാങ്കിങ് സംവിധാനം) ബന്ധപ്പെട്ട മറ്റ് രേഖയുടെ പകർപ്പുകൾ എന്നിവ സഹിതം ജൂലൈ 20ന് വൈകിട്ട് അഞ്ച് മണിക്കകം ജില്ലാ പട്ടികജാതി വികസന ഓഫീസർക്ക് അപേക്ഷ സമർപ്പിക്കണം. ഫോൺ: 0497 2700596.