നടി കാജൽ അഗർവാൾ വിവാഹിതയായി
തെന്നിന്ത്യൻ പ്രിയ നായിക കാജൽ അഗർവാൾ വിവാഹിതയായി. മുംബൈ സ്വദേശിയായ വ്യവസായി ഗൗതം കിച്ച്ലുവാണ് കാജലിന്റെ വരൻ.
മുംബൈ താജ്മഹൽ പാലസ് ഹോട്ടലിൽ വച്ച് നടന്ന വിവാഹ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ചുവന്ന ലെഹങ്കയണിഞ്ഞ് കാജലെത്തിയപ്പോൾ ഐവറി കളറിലുള്ള ഷെർവാണിയണിഞ്ഞാണ് ഗൗതം എത്തിയത്. പേസ്റ്റൽ ഗ്രീൻ നിറത്തിലുള്ള വസ്ത്രമാണ് താരം തന്റെ മെഹന്ദി ചടങ്ങിനായി തിരഞ്ഞെടുത്തത്. മഞ്ഞ നിറത്തിലുള്ള വസ്ത്രമണിഞ്ഞായിരുന്നു ഹൽദി ആഘോഷ ചടങ്ങുകൾ .
ഡിസൺ ലിവിങ്ങ് എന്ന ഇന്റീരിയർ ഡിസൈനിങ്ങ് സ്ഥാനപനത്തിന്റെ മേധാവിയാണ് ഗൗതം കിച്ച്ലു. ഏറെ നാളത്തെ സൗഹൃദം വിവാഹത്തിലെത്തുകയായിരുന്നു.ജയം രവി നായകനായെത്തിയ കോമാളിയിലാണ് കാജൽ ഒടുവിൽ വേഷമിട്ടത്. മുംബൈ സാഗ, മൊസഗല്ലു, പാരിസ് പാരിസ്, ഇന്ത്യൻ 2 എന്നിവയാണ് താരത്തിന്റെ പുതിയ ചിത്രങ്ങൾ.
