നവംബര്‍ 26ന് പൊതുമേഖലാ ബാങ്ക് ജീവനക്കാർ പണിമുടക്കും
രാജ്യത്തെ പൊതുമേഖലാ ബാങ്കുകളിലെ തൊഴിലാളികള്‍ നവംബര്‍ 26ന് രാജ്യവ്യാപകമായി പണിമുടക്ക് നടത്തും. സര്‍ക്കാരിന്റെ നയങ്ങളില്‍ പ്രതിഷേധിച്ചാണ് സെന്‍ട്രല്‍ ട്രേഡ് യൂണിയന്റെ നേതൃത്വത്തില്‍ പണിമുടക്കിന് തയാറെടുക്കുന്നത്.
പൊതുമേഖലാ ബാങ്കുകളുടെ സ്വകാര്യവത്കരണം, ബാങ്ക് ജോലികള്‍ ഔട്ട് സോഴ്‌സ് ചെയ്യാനുള്ള തീരുമാനം തുടങ്ങിയ ഏഴ് ആവശ്യങ്ങള്‍ ഉയര്‍ത്തിയാണ് പണിമുടക്ക്. അതിനൊപ്പം സേവിംഗ്‌സ് എക്കൗണ്ടുകളിലെ നിക്ഷേപത്തിനുള്ള പലിശ നിരക്ക് ഉയര്‍ത്തുക, ബാങ്കിന്റെ വിവിധ ചാര്‍ജുകള്‍ കുറയ്ക്കുക തുടങ്ങിയ ആവശ്യങ്ങളും തൊഴിലാളികള്‍ ഉന്നയിക്കുന്നുണ്ട്.
