പോലീസും പൊതുജനങ്ങളും, വീഡിയോ പ്ലാറ്റ്ഫോം / വീഡിയോ കോൾ വഴിയുള്ള ഇടപെടൽ – ദൃഷ്ടി
കണ്ണൂര്‍: കണ്ണൂര്‍ സിറ്റി പോലീസ് കമ്മീഷണര്‍ ശ്രീ ഇളങ്കോ ആര്‍ IPS വീഡിയോ പ്ലാറ്റ്ഫോം വഴി (Whatsapp , സ്കൈപ്പ് വഴിയോ അല്ലെങ്കിൽ മറ്റേതെങ്കിലും പ്ലാറ്റ്ഫോം വഴിയോ) ഓരോ ആഴ്ചയും ഒരു നിശ്ചിത ദിവസത്തിൽ പൊതുജനങ്ങളുമായി സംവദിക്കുന്നു. എല്ലാ ബുധനാഴ്ചയും വൈകുന്നേരം 4 മണി മുതല്‍ 5 മണിവരെ സംവാദം നടത്തുന്നതാണ്. പൊതുജനങ്ങളിൽ നിന്ന് അത്തരം കോളുകൾ സ്വീകരിക്കുന്നതിലൂടെ അവരുടെ പ്രശ്‌നങ്ങളെക്കുറിച്ച് അറിയാനും അത്തരം പ്രശ്‌നങ്ങളിലും പരാതികളിലും കണ്ണൂര്‍ സിറ്റി പോലീസ് കമ്മീഷണര്‍ക്കു നടപടിയെടുക്കുനും സാധിയ്ക്കും. സംസ്ഥാന പോലീസ് മേധാവി ശ്രീ ലോക്നാഥ് ബെഹ്റ IPS ന്‍റെ നിര്‍ദ്ദേശപ്രകാരം കേരളത്തിലെ എല്ലാ ജില്ല പോലീസ് മേധാവിമാരും എല്ലാ ബുധനാഴ്ചയും വൈകുന്നേരം 4 മണി മുതല്‍ 5 മണിവരെ പൊതുജനങ്ങളുമായി സംവദിക്കണമെന്ന ഉത്തരവ് ഇറങ്ങി. ഇതിനായി പ്രത്യേകം ഫോൺ നമ്പറുകൾ പൊതുജനങ്ങൾക്കിടയിൽ വിതരണം ചെയ്യും.
സംഭാഷണങ്ങള്‍ വളരെ പ്രൊഫഷണലായിരിക്കണം, കൃത്യവുമായിരിക്കണം. അനാവശ്യമായ സംസാരം നിരുത്സാഹപ്പെടുത്തണം. അത്തരം കോളുകൾ /വീഡിയോ കോളുകൾ റെക്കോർഡുചെയ്യുന്നതായിരിക്കും. സ്വീകരിച്ച നടപടി പരാതിക്കാരനെ അപേക്ഷകനെ അറിയിക്കുന്നതാണ്. നാളെ വീഡിയോ കോൾ ചെയ്യേണ്ട നമ്പര്‍ 9497926974 സമയം 04.30 മണി മുതല്‍ 05.00 മണി വരെ.
