പത്മനാഭസ്വാമി ക്ഷേത്രത്തിലെ കംപ്യൂട്ടര് സംവിധാനങ്ങള് ഹാക്ക് ചെയ്തു
പത്മനാഭസ്വാമി ക്ഷേത്രത്തിലെ കംപ്യൂട്ടര് സംവിധാനങ്ങള് ഹാക്ക് ചെയ്ത് വിവരങ്ങള് ചോര്ത്തി. എന്തൊക്കെ വിവരങ്ങള് ചോര്ത്തി എന്നത് സംബന്ധിച്ച വിവരങ്ങള് പരിശോധിച്ച് വരികയാണ്. പ്രോഗ്രാമുകളിലും ഡാറ്റകള്ക്കും മാറ്റം വരുത്തിയതായാണ് പ്രാഥമിക വിവരം.സംഭവത്തില് ക്ഷേത്രത്തിലെ താല്കാലിക ജീവനക്കാനെയാണ് സംശയിക്കുന്നത്. ഇയാളുടെ പ്രവൃത്തികളില് സംശയം തോന്നിയതിനെ തുടര്ന്ന് മാസങ്ങള്ക്ക് മുന്പ് കംപ്യൂട്ടര് സെക്ഷനില് നിന്ന് മാറ്റി നിര്ത്തിയിരുന്നു.
കംപ്യൂട്ടര് വിഭാഗത്തില്നിന്ന് മാറ്റിയ ശേഷവും ഈ ജീവനക്കാരന് ക്ഷേത്രത്തിന്റെ കംപ്യൂട്ടര് നെറ്റ്വര്ക്കിലേക്ക് പ്രവേശിക്കുകയും ഉന്നത ഉദ്യോഗസ്ഥരുടെ കംപ്യൂട്ടറുകളിലെ വിവരങ്ങളടക്കം ശേഖരിക്കുകയും ചെയ്തിരുന്നു. പല ഉദ്യോഗസ്ഥര്ക്കും നെറ്റ്വര്ക്കിലേക്ക് പ്രവേശിക്കാന് പോലും കഴിയാതെ വന്നപ്പോഴാണ് വിശദമായ പരിശോധന നടത്താന് ക്ഷേത്രം അധികൃതര് തീരുമാനിച്ചത്. തുടര്ന്ന് നടന്ന പരിശോധനയിലാണ് ഹാക്കിങ് നടന്നതായി മനസിലാകുന്നത്.