മിഷാലിന് നെയ്മറുടെ ‘ലൈക്ക്’: സാമൂഹ്യ മാധ്യമങ്ങളിൽ തരംഗമായി മലപ്പുറത്തുകാരൻ

ഫുട്ബോൾ താരങ്ങളുടെ ഗോളാഘോഷം അനുകരിക്കുന്ന വീഡിയോകളിലൂടെ സാമൂഹ്യമാധ്യമങ്ങളിൽ ശ്രദ്ധ നേടിയ മലപ്പുറംക്കാരൻ മിഷാൽ അബുലൈസിന് ബ്രസീലിയന്‍ സൂപ്പർതാരം നെയ്മറുടെ പ്രശംസ. കഴിഞ്ഞയാഴ്ച ഇൻസ്റ്റാഗ്രാമിൽ നെയ്മറുടെ ഫുട്ബോൾ ട്രിക്കുകൾ അതുപോലെ പകർത്തി പങ്കുവെച്ച വിഡിയോയ്ക്കാണ് സൂപ്പർതാരം ‘ലൈക്ക്’ അടിച്ചത്.

മലപ്പുറം മമ്പാട് ഗവ.സ്കൂളിൽ ഏഴാം ക്ലാസ്സ് വിദ്യാർത്ഥിയാണ് മിഷാൽ. മെസ്സിയെ അനുകരിച്ചു നടത്തിയ ഫ്രീകിക്ക് പ്രകടനം നേരത്തെ തന്നെ രാജ്യാന്തര ശ്രധ പിടിച്ചുപറ്റിയിരുന്നു. ഇതിനു പിന്നാലെ പൗലോ ദിബാല, നെയ്മർ, ക്രിസ്റ്റ്യാനോ റൊണാൾഡോ എന്നിവരുടെ ഗോൾളാഘോഷം അനുകരിച്ചും വീഡിയോ തയ്യാറാക്കി.നെയ്മറുടെ ഫാൻസ്‌ പേജ് ഏറ്റെടുത്ത വിഡിയോയ്ക്കാണ് നെയ്മർ “ലൈക്” അടിച്ചത്. രണ്ട് ലക്ഷത്തോളം ആളുകളാണ് മിഷാലിന്റെ വീഡിയോ കണ്ടത്.