മോഹൻലാൽ- ജീത്തു ജോസഫ് ചിത്രം; ‘ട്വൽത്ത് മാൻ’ നാളെ റിലീസ് ചെയ്യും

ആശിർവാദ് സിനിമാസിലൂടെ ആന്റണി പെരുമ്പാവൂർ നിർമ്മിച്ച് ജീത്തു ജോസഫ് സംവിധാനം ചെയ്യുന്ന ചിത്രം ‘ട്വൽത്ത് മാൻ’ നാളെ പുറത്തിറങ്ങും. മിസ്റ്ററി ത്രില്ലർ ചിത്രമാണിത്. ഹോട്ട്സ്റ്റാറിൽ ആണ് ചിത്രം റിലീസ് ചെയ്യുന്നത്. മോഹൻലാൽ, ഉണ്ണി മുകുന്ദൻ, ശിവദ, അനുശ്രീ, അനു സിത്താര, സൈജു കുറുപ്പ്, രാഹുൽ മാധവ്, അദിതി രവി, പ്രിയങ്ക നായർ, അനു മോഹൻ, ചന്തുനാഥ് എന്നിവരും ചിത്രത്തിൽ അഭിനയിക്കുന്നു. ഇടുക്കി ജില്ലയിലെ മലയോര മേഖലയിലെ റിസോർട്ടിനുള്ളിലെ കസ്റ്റം ബിൽഡ് മാളികയിലും ഏതാനും ദിവസങ്ങൾ എറണാകുളത്തുമാണ് സിനിമയുടെ ചിത്രീകരണം നടന്നത്. അജ്ഞാതനായ ഒരു ആതിഥേയൻ നഗരത്തിന്റെ പരിധിയിൽ നിന്ന് അധികം അകലെയല്ലാത്ത ആളൊഴിഞ്ഞ ബംഗ്ലാവിൽ ഒരു സ്വകാര്യ പാർട്ടിയിൽ പങ്കെടുക്കാൻ ജീവിതത്തിന്റെ വിവിധ തുറകളിൽ നിന്നുള്ള പന്ത്രണ്ട് അപരിചിതരെ ക്ഷണിക്കുന്നു.ഇതാണ് പ്രമേയം.