മൻസൂർ വധക്കേസ്; മുഖ്യപ്രതി അടക്കം രണ്ട് പേർ കൂടി അറസ്റ്റിൽ
മുസ്ലിം ലീഗ് പ്രവർത്തകൻ മൻസൂർ കൊല്ലപ്പെട്ട കേസിൽ മുഖ്യപ്രതി അടക്കം രണ്ട് പേർ കൂടി അറസ്റ്റിൽ. കൊലപാതകത്തിന് നേതൃത്വം നൽകിയ വിപിൻ, മൂന്നാം പ്രതി സംഗീത് എന്നിവരാണ് പിടിയിലായത്. മോന്തോൽ പാലത്തിനടുത്തായി ഒളിവിൽ കഴിയുകയായിരുന്നു പ്രതികൾ.
കൊലപാതകത്തിൽ നേരിട്ട് പങ്കാളികളാണ് വിപിനും സംഗീതും. മൻസൂറിന്റെ മരണത്തിന് കാരണമായ ബോംബേറ് നടത്തിയത് പുല്ലൂക്കര സ്വദേശിയായ വിപിനാണെന്നാണ് പൊലീസിന്റെ കണ്ടെത്തൽ. പ്രതികളെ വിശദമായി ചോദ്യം ചെയ്യും.
