ലതിക സുഭാഷ് രാജിവച്ചു

തിരുവനന്തപുരം: നിയമസഭാ തെരഞ്ഞെടുപ്പിനായുള്ള കോൺഗ്രസ് സ്ഥാനാർഥി പട്ടികയിൽ നിന്ന് അവഗണിച്ചതിൽ പ്രതിഷേധിച്ച് ലതിക സുഭാഷ് മഹിള കോൺഗ്രസ് അധ്യക്ഷസ്ഥാനം രാജിവച്ചു. കെപിസിസി ഓഫീസിന് മുന്നിൽ തലമുണ്ഡനം ചെയ്‌തായിരുന്നു അവരുടെ പ്രതിഷേധം.

പ്രതിഷേധം വ്യക്തമാക്കുമെങ്കിലും കോൺഗ്രസിൽ നിന്നും ഒരിക്കലും പുറത്ത് പോകില്ലെന്ന് ലതിക സുഭാഷ് പറഞ്ഞു. കോൺഗ്രസ് പട്ടികയിൽ സ്ത്രീകൾക്ക് അർഹിക്കുന്ന പ്രാധാന്യം ലഭിച്ചില്ല. അഭിമാനത്തോടെ, കൊട്ടിഘോഷിച്ച് പ്രഖ്യാപിച്ച കോൺഗ്രസിന്റെ സ്ഥാനാർഥിപ്പട്ടിക കേട്ടപ്പോൾ വനിതയെന്ന നിലയിൽ ഏറെ ദുഃഖമുണ്ടെന്നും അവർ പറഞ്ഞു.