ഷോക്കേറ്റ് കോഴിക്കോട് സ്വദേശിയായ യുവാവ് മരിച്ചു.

ചെറുകുന്ന് :ചെറുകുന്നിൽ കോഴിക്കോട് സ്വദേശിയായ യുവാവ് ഷോക്കേറ്റ് മരിച്ചു.
കോഴിക്കോട് ഗോവിന്ദപുരം സ്വദേശിയായ ദ്വര എന്ന വെങ്കിടേഷ് ( 36 ) ആണ് തിങ്കളാഴ്ച വൈകീട്ട് ചെറുകുന്ന് കതിരുവെക്കും തറയിൽ വെച്ച് മരിച്ചത്.

ജില്ല സഹകരണ ബാങ്കിന്റെ ബോർഡ് മാറ്റി കേരള ബാങ്കിന്റെ ബോർഡ് മാറ്റി സ്ഥാപിക്കുന്നതിനിടയിലാണ് ഷോക്കേറ്റത്.
തിങ്കളാഴ്ച വൈകീട്ട് 4.15 നാണ് ദാരുണ സംഭവം നടന്നത്. സ്വകാര്യ കരാർ സ്ഥാപനത്തിലെ താൽക്കാലിക ജീവനക്കാരനാണ് വെങ്കിടേഷ്. ഷോക്കേറ്റ് വീണ ഉടനെ കൂടെയുള്ളവർ ചെറുകുന്ന് സെന്റ് മാർട്ടിൻ ഡി പോറസ് ആസ്പത്രിയിൽ എത്തിച്ചെങ്കിലുംവഴിമധ്യേമരണപ്പെടുകയായിരുന്നു. തുടർന്ന് മൃതദേഹം പരിയാരത്തെ കണ്ണൂർ ഗവ: മെഡിക്കൽ കോളേജിലേക്ക് മാറ്റി.

തമിഴ്നാട് സ്വദേശിയായ ചക്കരയാണ് വെങ്കിടേഷിന്റെ പിതാവ്.ഭാര്യ: ബബിന.
മക്കൾ: വിവേക്, വിസ്മയ.കോവിഡ് പരിശോധനക്ക് ശേഷം ചൊവ്വാഴ്ച മൃതദേഹം ഇൻക്വസ്റ്റ് നടത്തി പോസ്റ്റ്മോർട്ട നടത്തി കോഴിക്കോട് കൊണ്ട് പോകും.