സംസ്ഥാനത്തെ ആദ്യത്തെ സ്കൂൾ എജ്യൂക്കേഷന്‍ കോണ്‍ഗ്രസ് ഏപ്രിൽ ഒന്ന് മുതൽ: രജിസ്‌ട്രേഷൻ തുടങ്ങി
സ്കൂൾ വിദ്യാഭ്യാസ മേഖലയുമായി ബന്ധപ്പെട്ടുള്ള ഗവേഷണ ഫലങ്ങൾ പങ്കുവെക്കാനും ചർച്ച ചെയ്യാനും അതിലൂടെ നൂതന ആശയങ്ങൾ രൂപപ്പെടുത്താനും ആദ്യമായി സംസ്ഥാനത്ത് ആദ്യമായി കേരള സ്കൂൾ എജ്യൂക്കേഷന്‍ കോണ്‍ഗ്രസ് സംഘടിപ്പിക്കുന്നു. സംസ്ഥാന വിദ്യാഭ്യാസ ഗവേഷണ പരിശീലന സമിതിയുടെ നേതൃത്വത്തിൽ 2023 ഏപ്രിൽ 1,2,3 തീയതികളിൽ തിരുവനന്തപുരത്താണ് എജ്യൂക്കേഷന്‍ കോണ്‍ഗ്രസ് നടക്കുക.
അധ്യാപകർക്കും ഗവേഷകർക്കും വിദ്യാർത്ഥികർക്കും വിദ്യാഭ്യാസ പ്രവർത്തകർക്കും ഗവേഷണ പേപ്പർ അവതരിപ്പിക്കാനും ചര്‍ച്ചയിൽ പങ്കെടുക്കാനും അവസരമുണ്ടാകും. ഇതിനോട് അനുബന്ധിച്ച് അന്തർദേശീയ തലത്തിൽ പ്രശസ്തരായ വിദ്യാഭ്യാസ വിദഗ്ധരുടെ പ്രഭാഷണങ്ങളും ഉണ്ടാകും. കേരള സ്കൂള്‍ എഡ്യൂക്കേഷൻ കോണ്‍ഗ്രസില്‍ പേപ്പർ അവതരിപ്പിക്കാൻ ആഗ്രഹിക്കുന്നവർക്ക് ഇതോടൊപ്പം നൽകിയിരിക്കുന്ന ഗൂഗിള്‍ ഫോം മുഖേന രജിസ്റ്റര്‍ ചെയ്യാവുന്നതാണ്. ഫെബ്രുവരി 28ന് മുമ്പ് രജിസ്റ്റർ ചെയ്ത് അവതരിപ്പിക്കാൻ ഉദ്ദേശിക്കുന്ന പേപ്പറിന്റെ സംഗ്രഹം സമർപ്പിക്കേണ്ടതാണ്. forms.gle/DHXLPJ42QBkkPMpRA എന്ന ലിങ്ക് വഴി രജിസ്റ്റർ ചെയ്യാം.
