സ്വപ്ന സുരേഷിന്റെ രണ്ട് ഹർജികളും ഹൈക്കോടതി തള്ളി.
കൊച്ചി: സ്വപ്ന സുരേഷിന്റെ രണ്ട് ഹർജികളും ഹൈക്കോടതി തള്ളി. തനിക്കെതിരെയുള്ള ഗൂഢാലോചന കലാപശ്രമ കേസുകൾ റദ്ദാക്കണമെന്ന ഹർജിയാണ് തള്ളിയത്. ജസ്റ്റിസ് സിയാദ് റഹ്മാന്റെതാണ് വിധി. മുഖ്യമന്ത്രിക്കെതിരായ വെളിപ്പെടുത്തലിന് പിന്നാലെയാണ് സ്വപ്നക്കെതിരെ കേസെടുത്തത്. കൻ്റോൺമെൻറ് കസബ സ്റ്റേഷനുകളിലാണ് കേസ്.
അന്വേഷണം പ്രാഥമിക ഘട്ടത്തിലാണെന്നു ചൂണ്ടിക്കാട്ടിയാണ്, ജസ്റ്റിസ് സിയാദ് റഹ്മാന്റെ വിധി.
മുന്‍മന്ത്രി കെ ടി ജലീലിന്റെ പരാതിയില്‍ തിരുവനന്തപുരം കന്റോണ്‍മെന്റ് പൊലീസ് എടുത്ത ഗൂഢാലോചന കേസും പാലക്കാട് കസബ പൊലീസ് എടുത്ത കലാപാഹ്വാന കേസും റദ്ദാക്കണമെന്ന് ആവശ്യപ്പെട്ടാണ് സ്വപ്ന കോടതിയെ സമീപിച്ചത്.
