ഹോം പുരസ്‌കാര വിവാദത്തിൽ മന്ത്രി സജി ചെറിയാന്‍
‘ഹോം’ എന്ന ചിത്രത്തിലെ അഭിനയത്തിനു നടൻ ഇന്ദ്രൻസിനു മികച്ച നടനുള്ള പുരസ്കാരം നിഷേധിച്ചെന്ന വിമർശനത്തിന് മറുപടിയുമായി മലയാള ചലച്ചിത്ര സാംസ്കാരിക വകുപ്പ് മന്ത്രി സജി ചെറിയാൻ. വിജയ് ബാബുവിനെതിരായ ലൈംഗിക പീഡന പരാതിയും ‘ഹോമി’നു അവാർഡ് നൽകാത്തതും തമ്മിൽ ബന്ധമില്ലെന്നു മന്ത്രി വ്യക്തമാക്കി. എല്ലാ സിനിമകളും കണ്ടിട്ടുണ്ടെന്ന് ജൂറി പറഞ്ഞു. മികച്ച തോതിലുള്ള പരിശോധനയാണ് നടത്തിയതെന്നും മന്ത്രി പറഞ്ഞു.
നടൻ ഇന്ദ്രൻസിന്റെ പ്രസ്താവനയ്ക്കും മന്ത്രി മറുപടി നൽകി. ഈ ചിത്രം ജൂറി അംഗങ്ങൾ പൂർണ്ണമായും കണ്ടു. ഇന്ദ്രൻസിനു തെറ്റിദ്ധാരണയുണ്ടായിരിക്കാമെന്നും മന്ത്രി പറഞ്ഞു. സിനിമ നല്ലതാണോ ചീത്തയാണോ എന്ന് പറയേണ്ട കാര്യമില്ല, ജൂറിക്ക് പരമാധികാരം നൽകിയിട്ടുണ്ട്,” അദ്ദേഹം പറഞ്ഞു.
