18 കഴിഞ്ഞ എല്ലാവര്‍ക്കും കോവിഡ് വാക്സിന്‍ നൽകണമെന്ന് ഐഎംഎ
ന്യൂഡൽഹി:18 വയസ്സിന് മുകളിൽ പ്രായമുള്ള എല്ലാവർക്കും കോവിഡ്-19 വാക്സിൻ ഉടൻ വിതരണം ചെയ്യാൻ അനുമതി തേടി പ്രധാനമന്ത്രിക്ക് ഇന്ത്യൻ മെഡിക്കൽ അസോസിയേഷന്റെ കത്ത്.
വാക്സിൻ വിതരണത്തിൽ കൂടുതൽ സ്വകാര്യ ക്ലിനിക്കുകളേയും സ്വകാര്യ ആശുപത്രികളേയും ഉൾപ്പെടുത്തണണെന്നും ഇത് വാക്സിൻ യജ്ഞത്തിന് കരുത്ത് പകരമെന്നും കത്തിൽ പറയുന്നുണ്ട്.
പൊതുസ്ഥലങ്ങളിൽ പ്രവേശിക്കുന്ന എല്ലാവർക്കും കോവിഡ് വാക്സിനേഷൻ സർട്ടിഫിക്കറ്റ് നിർബന്ധമാക്കണം, സിനിമ തീയറ്റർ, സാംസ്കാരിക-മതപരമായ ചടങ്ങുകൾ, കായിക പരിപാടികൾ എന്നിവ നടത്തുന്ന സ്ഥലങ്ങളിൽ ലോക്ക്ഡൗൺ ഏർപ്പെടുത്തുക തുടങ്ങിയ നിർദേശങ്ങളും കത്തിലുണ്ട്.
