ജില്ലാ സ്കൂൾ കലോത്സവം 19-ന് പയ്യന്നൂരിൽ തുടങ്ങും
പയ്യന്നൂർ: കണ്ണൂർ റവന്യൂ ജില്ലാ സ്കൂൾ കലോത്സവം 19 മുതൽ 23 വരെ പയ്യന്നൂരിൽ നടക്കും.
പയ്യന്നൂർ ഗവ. ബോയ്സ് ഹൈസ്കൂളിൽ 19ന് വൈകിട്ട് 4ന് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. നടൻ ഉണ്ണിരാജ ചെറുവത്തൂർ അതിഥിയായി പങ്കെടുക്കും.
17 വേദികളിലായി 15 സബ് ജില്ലകളിലെ 10,695 കുട്ടികൾ 319 ഇനങ്ങളിൽ മത്സരിക്കും.
രചന മത്സരങ്ങൾ ഒന്നാം ദിവസം സമാപിക്കും. യു പി, ഹൈസ്കൂൾ, ഹയർ സെക്കൻഡറി വിഭാഗങ്ങളിൽ 249 ജനറൽ ഇനങ്ങളിലാണ് മത്സരം.
സംസ്കൃതം കലോത്സവത്തിന് 38, അറബിക് കലോത്സവത്തിൽ 32 ഇനങ്ങൾ ഉണ്ടായിരിക്കും.
കെ.യു.ദാമോദര പൊതുവാളുടെ നേതൃത്വത്തിലാണ് ഭക്ഷണം ഒരുക്കുന്നത്. ഒരേ സമയം 750 പേർക്ക് ഭക്ഷണം കഴിക്കാൻ പറ്റും വിധമാണ്‌ ഭക്ഷണശാല.
