10 വയസ്സുകാരൻ കിണറ്റില്‍ വീണുമരിച്ചു.
ചെക്യാട് മാമുണ്ടേരിയില്‍ 10 വയസ്സുകാരൻ കിണറ്റില്‍ വീണുമരിച്ചു. ചെക്യാട് സൗത്ത് എം എല്‍ പി സ്കൂള്‍ നാലാം ക്ലാസ് വിദ്യാർത്ഥി മാമുണ്ടേരി നെല്ലിയുള്ളതില്‍ ഹമീദിന്റെ മകൻ മുനവ്വറലി ആണ് മരിച്ചത്.ബുധനാഴ്ച രാവില 8:30 ഓടെയാണ് സംഭവം. മാമുണ്ടേരിയിലെ മഹനുദ്ദീൻ ഉലും മദ്രസയോട് ചേർന്നുള്ള പറമ്ബിലെ കിണറില്‍ വീണാണ് മരണം സംഭവിച്ചത്.
പുളിപറിക്കാനായി മരത്തില്‍ കയറിയ കുട്ടി കൊമ്ബൊടിഞ്ഞ് കിണറില്‍ വീഴുകയായിരുന്നു.നാട്ടുകാർ കല്ലാച്ചിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല
