ഹേമചന്ദ്രന് കൊലക്കേസ് പ്രതി നൗഷാദ് മെഡിക്കല് കോളേജ് പൊലീസിന്റെ കസ്റ്റഡിയില്
കോഴിക്കോട്: ഹേമചന്ദ്രന് കൊലക്കേസ് പ്രതി നൗഷാദ് മെഡിക്കല് കോളേജ് പൊലീസിന്റെ കസ്റ്റഡിയില്. ബെംഗളൂരു വിമാനത്താവളത്തിൽ വെച്ചാണ് കസ്റ്റഡിയിലെടുത്തത്. പ്രതിയെ കസ്റ്റഡിയിൽ എടുക്കുന്ന ദൃശ്യങ്ങള് റിപ്പോര്ട്ടറിന് ലഭിച്ചു. ഇയാളെ ഉടൻ കേരളത്തിലെത്തിക്കും. വയനാട്ടില് നിന്ന് കാണാതായ ഹേമചന്ദ്രനെ കൊന്ന് കുഴിച്ചുമൂടിയ കേസിലെ പ്രതിയാണ് നൗഷാദ്.
എന്നാല് ഹേമചന്ദ്രന്റേത് ആത്മഹത്യയാണെന്ന് വെളിപ്പെടുത്തി നൗഷാദ് ഫേസ്ബുക്ക് ലൈവുമായി നേരത്തെ രംഗത്തെത്തിയിരുന്നു. കൊലപാതകം എന്ന് പറയുന്നത് തന്നെ തെറ്റാണെന്നും മൃതദേഹം കണ്ടപ്പോള് മറ്റ് വഴിയില്ലെന്ന് സുഹൃത്തുക്കള് പറഞ്ഞത് അനുസരിച്ചാണ് കുഴിച്ചിട്ടതെന്നും നൗഷാദ് പറഞ്ഞിരുന്നു. ചെയ്ത തെറ്റിന് ജയിലില് കിടക്കാന് തയ്യാറാണെന്നും നാട്ടിലെത്തി പൊലീസില് കീഴടങ്ങുമെന്നും നൗഷാദ് വ്യക്തമാക്കിയിരുന്നു.