ഗോവിന്ദച്ചാമിയെ വിയ്യൂര് ജയിലിലേക്ക് മാറ്റുന്നു
കണ്ണൂര്: കൊടും കുറ്റവാളി ഗോവിന്ദച്ചാമിയെ വിയ്യൂര് ജയിലിലേക്ക് മാറ്റുന്നു. കണ്ണൂര് സെന്ട്രല് ജയിലില് നിന്നും ചാടിയതിന് പിന്നാലെയാണ് ജയില്മാറ്റം. അതീവ സുരക്ഷയിലാണ് വിയ്യൂരിലേക്ക് കൊണ്ടുപോകുന്നത്.
വിയ്യൂര് ജയിലിലെ ഏകാന്ത തടവില് ആണ് ഗോവിന്ദച്ചാമിയെ താമസിപ്പിക്കുക. ഇവിടെ അന്തേവാസികള്ക്ക് പരസ്പരം കാണാനോ സംസാരിക്കാനോ സാധിക്കില്ല. ഭക്ഷണത്തിനും പുറത്തിറങ്ങാന് അനുവാദമില്ല. നേരിട്ട് സെല്ലില് എത്തിച്ച് നല്കും. 4.2 മീറ്ററാണ് സെല്ലുകളുടെ ആകെ ഉയരം.
ഇന്ത്യന് റിസര്വ് ബറ്റാലിയന്റെ സുരക്ഷയിലാണ് ഗോവിന്ദച്ചാമിയെ വാഹനത്തില് കയറ്റിയത്. പ്രതിഷേധ സാധ്യത കൂടി കണക്കിലെടുത്ത് കനത്ത സുരക്ഷ ഉറപ്പാക്കിയതിന് ശേഷമാണ് വാഹനത്തിലേക്ക് മാറ്റിയത്. അതീവ സുരക്ഷാ ജയിലിലേക്ക് മാറ്റുകയെന്ന തീരുമാനത്തിലേക്ക് ഇന്നലെ തന്നെ എത്തിയിരുന്നു.