ജമ്മു കശ്മീര് മുൻ ഗവര്ണര് സത്യപാല് മാലിക് അന്തരിച്ചു
ഡല്ഹി: ജമ്മു കശ്മീർ മുൻ ഗവർണർ സത്യപാല് മാലിക് (79) അന്തരിച്ചു. ദീർഘനാളത്തെ അസുഖത്തെ തുടർന്ന് ഡല്ഹിയിലെ റാം മനോഹർ ലോഹ്യ ആശുപത്രിയില് ചികിത്സയിലിരിക്കെ ഇന്ന് ഉച്ചയ്ക്ക് ഒരു മണിയോടെയായിരുന്നു അന്ത്യം.2018 ഓഗസ്റ്റ് മുതല് 2019 ഒക്ടോബർ വരെ ജമ്മു കശ്മീർ സംസ്ഥാനത്തിന്റെ അവസാന ഗവർണറായി മാലിക് സേവനമനുഷ്ഠിച്ചു. 2019 ഓഗസ്റ്റ് 5 ന് ആർട്ടിക്കിള് 370 റദ്ദാക്കുകയും സംസ്ഥാനത്തിന്റെ പ്രത്യേക പദവി റദ്ദാക്കുകയും ചെയ്തത് അദ്ദേഹത്തിന്റെ ഭരണകാലത്താണ്. ആ തീരുമാനത്തിന്റെ ആറാം വാർഷികമാണ് ഇന്ന്. പിന്നീട് അദ്ദേഹം ഗോവ ഗവർണറായി നിയമിതനായി, തുടർന്ന് 2022 ഒക്ടോബർ വരെ മേഘാലയ ഗവർണറായി സേവനമനുഷ്ഠിച്ചു.2004-ല് ബിജെപിയില് ചേരുന്നതിന് മുൻപ് കോണ്ഗ്രസ്, ജനതാദള് എന്നിവയുള്പ്പെടെ വിവിധ രാഷ്ട്രീയ പാർട്ടികളില് അദ്ദേഹം പ്രവർത്തിച്ചിട്ടുണ്ട്