ബംഗാള് ഉള്ക്കടലിന് മുകളിലായി പുതിയ ന്യൂനമര്ദം രൂപപ്പെട്ടു; കേരളത്തില് ഒറ്റപ്പെട്ട ശക്തമായ മഴയ്ക്ക് സാധ്യത
വടക്കു പടിഞ്ഞാറന് ബംഗാള് ഉള്ക്കടലിന് മുകളിലായി പുതിയ ന്യൂനമര്ദം രൂപപ്പെട്ടു. കേരളത്തില് അടുത്ത അഞ്ച് ദിവസം നേരിയതോ ഇടത്തരമോ ആയ മഴയ്ക്ക് സാധ്യതയുണ്ട്.അതേസമയം, സെപ്റ്റംബര് മൂന്ന് മുതല് നാല് വരെ ഒറ്റപ്പെട്ട ശക്തമായ മഴയ്ക്കു സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു.
വിവിധ ജില്ലകളില് കേന്ദ്ര കാലാവസ്ഥാ വകുപ്പ് മഞ്ഞ (Yellow) അലര്ട്ട് പ്രഖ്യാപിച്ചു. മൂന്നാം തീയതി തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസർഗോഡ് ജില്ലകളിലും നാലാം തീയതി കോഴിക്കോട്, കണ്ണൂര്, കാസർഗോഡ് ജില്ലകളിലുമാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ഥമാക്കുന്നത്.കേരള തീരത്ത് മൂന്ന്, നാല് തീയതികളിലും കര്ണാടക – ലക്ഷദ്വീപ് തീരങ്ങളില് ഇന്ന് മുതല് നാലാം തീയതി വരെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.