സിപിഐ പാർട്ടി കോണ്ഗ്രസിനെത്തിയ വനിതാ നേതാവിന് വാഹനമിടിച്ച് ഗുരുതര പരിക്ക്
ചണ്ഡീഗഡില് സിപിഐ പാർട്ടി കോണ്ഗ്രസിനെത്തിയ വനിതാ നേതാവിന് വാഹനമിടിച്ച് ഗുരുതര പരിക്ക്. എറണാകുളത്ത് നിന്നെത്തിയ സംസ്ഥാന കൗണ്സില് അംഗം കമല സദാനന്ദനാണ് പരിക്കേറ്റത്.റോഡ് മുറിച്ച് കടക്കുന്നതിനിടെ സ്കൂട്ടർ ഇടിക്കുകയായിരുന്നു. സമ്മേളന വേദിയിലേക്ക് വരുന്നതിനിടെയാണ് അപകടം ഉണ്ടായത്. തോളിനും ഇടുപ്പിനും പരിക്കേറ്റിട്ടുണ്ട്. ചണ്ഡീഗഡ് മെഡിക്കല് കോളേജില് ശസ്ത്രക്രിയക്ക് നിർദേശിച്ചതോടെ എറണാകുളം മെഡിക്കല് ട്രസ്റ്റ് ആശുപത്രിയില് കൊണ്ടുപോകും.