കൊച്ചിയില് ട്രെയിനിനു നേരെ കല്ലെറിഞ്ഞ സംഭവത്തില് രണ്ട് പ്ലസ് വണ് വിദ്യാർത്ഥികളെ പോലീസ് പിടികൂടി
കൊച്ചിയില് ട്രെയിനിനു നേരെ കല്ലെറിഞ്ഞ സംഭവത്തില് രണ്ട് പ്ലസ് വണ് വിദ്യാർത്ഥികളെ പോലീസ് പിടികൂടി.എറണാകുളം ജുവനൈല് ജസ്റ്റിസ് ബോർഡിന് മുന്നില് മാതാപിതാക്കളോടൊപ്പം ഇവരെ ഹാജരാക്കി. ബോർഡ് ഇവരെ അടുത്ത 15 ദിവസത്തേക്ക് കാക്കനാടുള്ള ഒബ്സർവേഷൻ ഹോമിലേക്ക് മാറ്റി.
കഴിഞ്ഞ വ്യാഴാഴ്ചയാണ് സംഭവം നടന്നത്. ഇടപ്പള്ളി റെയില്വേ സ്റ്റേഷനും കളമശ്ശേരി റെയില്വേ സ്റ്റേഷനും ഇടയില് വെച്ചാണ് ട്രെയിനിനു നേരെ കല്ലേറുണ്ടായത്. ഈ സംഭവത്തില് ഒരു ഫയർഫോഴ്സ് ഉദ്യോഗസ്ഥന് പരിക്കേറ്റിരുന്നു. സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളായ വിദ്യാർത്ഥികള് പിടിയിലായത്.
പ്രായപൂർത്തിയാകാത്തവരെയാണ് സംഭവത്തില് ഉള്പ്പെട്ടിട്ടുള്ളതെങ്കിലും, ഇത് ഗുരുതരമായ കുറ്റകൃത്യമായി പോലീസ് വിലയിരുത്തുന്നു. മുതിർന്നവരാണ് ഇത്തരം കുറ്റം ചെയ്യുന്നതെങ്കില് 10 വർഷം വരെ തടവ് ശിക്ഷ ലഭിക്കാവുന്നതാണ്. പ്രായപൂർത്തിയാകാത്തവർക്ക് ഇത്തരം കുറ്റകൃത്യങ്ങളില് പങ്കുണ്ടെന്ന് തെളിയിക്കപ്പെട്ടാല് കർശന നടപടികള് ഉണ്ടാകുമെന്ന് അധികൃതർ അറിയിച്ചു. സംഭവത്തിന്റെ കൂടുതല് വിശദാംശങ്ങള് പോലീസ് അന്വേഷിച്ചുവരികയാണ്.