ആഡംബര കാര് വാങ്ങി നല്കിയില്ല, മകൻ അച്ഛനെ ആക്രമിച്ചു, മകനെ തിരിച്ച് ആക്രമിച്ച് അച്ഛൻ, മകന്റെ തലയ്ക്ക് ഗുരുതര പരിക്ക്
തിരുവനന്തപുരത്ത് ആഡംബര കാറിന് വേണ്ടി അച്ഛനെ മകൻ ആക്രമിച്ചു. പ്രകോപിതനായ അച്ഛൻ മകനെ കമ്ബിപ്പാരകൊണ്ട് തിരിച്ച് ആക്രമിച്ചു.ആക്രമണത്തില് മകന്റെ തലയ്ക്ക് ഗുരുതരമായി പരിക്കേറ്റു. സംഭവത്തില് വഞ്ചിയൂര് പൊലീസ് കേസെടുത്തു. തിരുവനന്തപുരം വഞ്ചിയൂര് പൊലീസ് സ്റ്റേഷൻ പരിധിയിലാണ് സംഭവം.
ഹൃദ്യക്ക് എന്ന 28കാരനാണ് ഗുരുതരമായി പരിക്കേറ്റത്. പരിക്കേറ്റ ഹൃദ്യക്കിനെ ശസ്ത്രക്രിയക്ക് വിധേയനാക്കി.28കാരനായ മകൻ ആഡംബര കാര് വേണമെന്നന്ന് പറഞ്ഞ് വീട്ടില് സ്ഥിരമായി പ്രശ്നമുണ്ടാക്കിയിരുന്നുവെന്നാണ് പൊലീസ് പറയുന്നത്. ലക്ഷങ്ങള് വിലവരുന്ന ബൈക്ക് വിനയാനന്ദ് മകന് വാങ്ങി കൊടുത്തിരുന്നു.
എന്നാല്, ആഡംബര കാര് വേണമെന്ന് പറഞ്ഞ് വീട്ടില് തര്ക്കം പതിവായിരുന്നു. ഇത്തരത്തില് ഇരുവരും തമ്മിലുള്ള വാക്കുതര്ക്കത്തിനിടെ മകൻ അച്ഛനെ ആക്രമിച്ചു. തുടര്ന്ന് പ്രകോപിതനായ അച്ഛൻ കമ്ബിപ്പാര ഉപയോഗിച്ച് മകനെ തിരിച്ച് ആക്രമിക്കുകയായിരുന്നുവെന്നാണ് പൊലീസ് പറയുന്നത്