ഈ നാല് ജില്ലക്കാര് പ്രത്യേകം ശ്രദ്ധിക്കണം:ഇടിമിന്നലോട് കൂടിയ മഴ വരുന്നു
അടുത്ത അഞ്ചുദിവസം മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. കന്യാകുമാരി കടലിന് മുകളിലും സമീപത്തുമായി തുടരുന്ന ചക്രവാതച്ചുഴി കന്യാകുമാരി കടല്, ശ്രീലങ്ക, തെക്ക് പടിഞ്ഞാറൻ ബംഗാള് ഉള്ക്കടല് എന്നിവയ്ക്ക് മുകളില് ന്യൂനമർദ്ദമായി ശക്തി പ്രാപിച്ചു.അടുത്ത 24 മണിക്കൂറിനുള്ളില് വടക്ക് – വടക്കുപടിഞ്ഞാറ് ദിശയില് സഞ്ചരിച്ച് ശക്തി കൂടിയ ന്യൂനമർദ്ദമായും തുടർന്നുള്ള 24 മണിക്കൂറിനുള്ളില് ഇത് കൂടുതല് ശക്തിപ്രാപിച്ച് തീവ്രന്യൂനമർദ്ദമായും മാറാൻ സാദ്ധ്യതയുണ്ട്.
ഈ സാഹചര്യത്തില് കേരളത്തില് അടുത്ത അഞ്ച് ദിവസം നേരിയ/ ഇടത്തരം മഴയ്ക്ക് സാദ്ധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്.വിവിധ ജില്ലകളില് മഞ്ഞ അലർട്ട് പ്രഖ്യാപിച്ചിട്ടുണ്ട്. ഇന്ന് തിരുവനന്തപുരത്താണ് മഞ്ഞ അലർട്ട്. നാളെ തിരുവനന്തപുരം, കൊല്ലം, പത്തനംതിട്ട ജില്ലകളില് മഞ്ഞ അലർട്ടാണ്. ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്