ഇന്ഡോര് മലിനജല ദുരന്തം;മരണം പതിനേഴായി
ഇന്ഡോറില് മലിനജലം കുടിച്ചതിനെ തുടര്ന്നുണ്ടായ ദുരന്തത്തില് ഒരാള് കൂടി മരിച്ചതായി റിപ്പോര്ട്ട്.ഇതോടെ മരിച്ചവരുടെ എണ്ണം 17 ആയി. പുതുതായി രോഗം സ്ഥിരീകരിച്ച 38 പേരെ ആശുപത്രിയില് പ്രവേശിപ്പിച്ചിട്ടുണ്ട്. 15 പേര് ഇപ്പോഴും തീവ്രപരിചരണ വിഭാഗത്തില് ചികിത്സയിലാണ്. നിലവില് ആകെ 142 പേരാണ് വിവിധ ആശുപത്രികളില് ചികിത്സ തേടുന്നത്. ദിവസങ്ങള് പിന്നിട്ടിട്ടും പുതിയ രോഗികളും മരണങ്ങളും റിപ്പോര്ട്ട് ചെയ്യുന്നത് ആശങ്ക വര്ധിപ്പിക്കുന്നുവെന്ന് ആരോഗ്യവിദഗ്ധര് പറഞ്ഞു.
രോഗബാധിതരും മരണങ്ങളും വര്ധിക്കുന്ന സാഹചര്യത്തില് കോണ്ഗ്രസ് പ്രതിഷേധത്തിനൊരുങ്ങുകയാണ്. ഇന്ഡോറിലെ 85 വാര്ഡുകളിലായി പ്രതിഷേധ പരിപാടികള് സംഘടിപ്പിക്കാനാണ് തീരുമാനം. മെഴുകുതിരി മാര്ച്ച് ഉള്പ്പെടെയുള്ള സമരങ്ങളാണ് പാര്ട്ടി ആസൂത്രണം ചെയ്തിരിക്കുന്നത്.