ശബരിമലയിലെ പഴയ കൊടിമരത്തിലെ അഷ്ടദിക് പാലകൻമാരെ കണ്ടെത്തി
ശബരിമലയിലെ പഴയ കൊടിമരത്തിലെ അഷ്ടദിക് പാലകൻമാരെ കണ്ടെത്തി. ഇന്നലെ നടത്തിയ പരിശോധനയില് സ്ട്രോംഗ് റൂമില് സൂക്ഷിച്ചിരിക്കുന്ന അഷ്ടദിക് പാലകർ ചാക്കില്കെട്ടിയ നിലയില് എസ്ഐടി കണ്ടെത്തിയത്.ഇത്തരം ചരിത്രപരമായ കലാസൃഷ്ടികള് കണ്ടെത്തിയത് സന്നിധാനത്തിന്റെ പാരമ്പര്യ മൂല്യങ്ങള് പുനർമൂല്യനിർണ്ണയിക്കുന്നതിന് ഏറെ സഹായകമാണെന്നാണ് വിദഗ്ധർ പറയുന്നത്. കൊടിയിലെ ചെറിയ ശില്പങ്ങളായാണ് ആഷ്ടദിക് പാലകർ സ്ഥാപിച്ചിരുന്നത്.
കൊല്ലം കോടതിയില് വിശദമായ റിപ്പോർട്ട് എസ്ഐടി സമർപ്പിക്കും. പരിശോധനയുടെ എല്ലാ ഘട്ടങ്ങളും സാങ്കേതികമായി രേഖപ്പെടുത്തി ശബരിമലയില് സൂക്ഷിക്കുന്ന പാരമ്പര്യ വസ്തുക്കളുടെ നിലനില്പ്പ് ഉറപ്പുവരുത്താൻ നടപടികള് സ്വീകരിക്കുമെന്നും എസ്ഐടി വ്യക്തമാക്കി. പാരമ്പര്യ വസ്തുക്കളുടെ സുരക്ഷ ഉറപ്പാക്കുന്നതിനായി അധിക പരിശോധനകളും നടത്താനാണ് പദ്ധതിയെന്ന് അധികൃതർ അറിയിച്ചു.