ടെക്‌നിക്കല്‍ ഹയര്‍സെക്കണ്ടറി; പ്ലസ് വണ്‍ പ്രവേശനത്തിന് അപേക്ഷിക്കാം
ഐ എച്ച് ആര്‍ ഡിയുടെ കീഴിലുള്ള ടെക്‌നിക്കല്‍ ഹയര്‍സെക്കണ്ടറി സ്‌കൂളുകളില്‍ പ്ലസ് വണ്‍ (2021-22) പ്രവേശനത്തിന് അപേക്ഷ ക്ഷണിച്ചു. മുട്ടട, അടൂര്‍, ചേര്‍ത്തല, മല്ലപ്പള്ളി, പുതുപ്പള്ളി, പീരുമേട്, മുട്ടം, കലൂര്‍, കപ്രാശ്ശേരി, ആലുവ, വരടിയം, വാഴക്കാട്, വട്ടംകുളം, പെരിന്തല്‍മണ്ണ, തിരുത്തിയാട് എന്നിവിടങ്ങളിലെ സ്‌കൂളുകളിലേക്കാണ് പ്രവേശനം. അപേക്ഷകള്‍ ihrd.kerala.gov.in/thss വെബ്‌സൈറ്റ് വഴി ഓണ്‍ലൈനായോ സ്‌കൂളുകളില്‍ നേരിട്ടോ സമര്‍പ്പിക്കാം. നേരിട്ടുള്ള അപേക്ഷകള്‍ ആഗസ്ത് 12ന് മുമ്പായി ലഭിക്കണം. ഓണ്‍ലൈനായി അപേക്ഷിക്കുന്നവര്‍ അപേക്ഷാ പ്രക്രിയ പൂര്‍ത്തിയാക്കിയ ശേഷം വെബ്‌സൈറ്റില്‍ നിന്ന് പൂര്‍ണ്ണമായ അപേക്ഷ ഡൗണ്‍ലോഡ് ചെയ്യണം. അപേക്ഷയും അനുബന്ധ രേഖകളും 100 രൂപ രജിസ്‌ട്രേഷന്‍ ഫീസ് സഹിതം (എസ് സി/എസ് ടി വിദ്യാര്‍ഥികള്‍ക്ക് 50 രൂപ) ആഗസ്ത് 17ന് വൈകിട്ട് മൂന്ന് മണിക്ക് മുമ്പായി ബന്ധപ്പെട്ട സ്‌കൂളുകളില്‍ സമര്‍പ്പിക്കണം. സിബിഎസ്‌സി വിഭാഗത്തില്‍ നിന്നുള്ള അപേക്ഷകര്‍ക്ക് പത്താം തരം പരീക്ഷാ ഫലം പ്രസിദ്ധീകരിക്കാത്തതിനാല്‍ അപേക്ഷ സമര്‍പ്പിക്കുന്നതിന് അവസരം ലഭ്യമാക്കും.
അപേക്ഷ സമര്‍പ്പിക്കുന്നതിനുള്ള ലിങ്ക് ihrd.ac.in വെബ്‌സൈറ്റില്‍ ലഭിക്കും. വിശദ വിവരങ്ങള്‍ക്ക് ഇ മെയില്‍ ihrd.itd@gmail.com ഫോണ്‍: മുട്ടട, തിരുവനന്തപുരം- 0471 2543888, 8547006804, അടൂര്‍, പത്തനംതിട്ട- 04734 224078, 8547005020, ചേര്‍ത്തല, ആലപ്പുഴ- 0478 2552828, 8547005030, മല്ലപ്പള്ളി, പത്തനംതിട്ട- 0469 2680574, 8547005010, പുതുപ്പള്ളി, കോട്ടയം- 0481 2351485, 8547005013, പീരുമേട്, ഇടുക്കി- 0486 9232899, 8547005011, മുട്ടം, തൊടുപുഴ- 04862 255755, 8547005014, കലൂര്‍, എറണാകുളം- 0484 2347132, 8547005008, കപ്രാശ്ശേരി, എറണാകുളം- 0484 2604116, 8547005015, ആലുവ, എറണാകുളം- 0484 2623573, 8547005028, വരടിയം, തൃശൂര്‍- 0487 2214773, 8547005022, വാഴക്കാട്, മലപ്പുറം- 0483 2725215, 8547005009, വട്ടംകുളം, മലപ്പുറം- 0494 2681498, 8547005012, പെരിന്തല്‍മണ്ണ, മലപ്പുറം- 04933 225086, 8547021210, തിരുത്തിയാട് കോഴിക്കോട്- 0495 2721070, 8547005031.
