വിദ്വേഷ മുദ്രാവാക്യം; കുട്ടിക്ക് പരിശീലനം നൽകിയെന്ന് റിമാന്‍ഡ് റിപ്പോര്‍ട്ട്
പോപ്പുലർ ഫ്രണ്ട് റാലിയിൽ വിദ്വേഷ മുദ്രാവാക്യം വിളിക്കാൻ പ്രായപൂർത്തിയാകാത്ത ആൺകുട്ടിക്ക് പരിശീലനം നൽകിയെന്ന് പൊലീസിന്റെ റിമാൻഡ് റിപ്പോർട്ട്. മതവികാരം ഇളക്കിവിടാൻ പ്രതികൾ ഉദ്ദേശിച്ചിരുന്നതായി റിമാൻഡ് റിപ്പോർട്ടിൽ പറയുന്നു. ഇതിനായി കുട്ടിയെ ചുമലിലേറ്റി പ്രകോപനപരമായ മുദ്രാവാക്യങ്ങൾ മുഴക്കി. മുസ്ലീം സമുദായത്തെ പ്രകോപിപ്പിക്കാൻ ഇയാൾ ശ്രമിച്ചതായി റിമാൻഡ് റിപ്പോർട്ടിൽ പറയുന്നു.
പ്രായപൂർത്തിയാകാത്തവർക്ക് കുറ്റകൃത്യങ്ങളിൽ പങ്കുണ്ടെന്ന് റിമാൻഡ് റിപ്പോർട്ടിൽ കണ്ടെത്തിയതിനെ തുടർന്ന് ജുവനൈൽ ജസ്റ്റിസ് ആക്ട് പ്രകാരവും പ്രതികൾക്കെതിരെ കേസെടുത്തിട്ടുണ്ട്. കേസിൽ നിലവിൽ മൂന്ന് പ്രതികളാണുള്ളത്. പോപ്പുലർ ഫ്രണ്ട് ആലപ്പുഴ ജില്ലാ സെക്രട്ടറി മുജീബ് യാക്കൂബാണ് രണ്ടാം പ്രതി.
ആലപ്പുഴയിൽ പോപ്പുലർ ഫ്രണ്ട് റാലിയിൽ പ്രായപൂർത്തിയാവാത്ത ആൺകുട്ടി വിദ്വേഷ മുദ്രാവാക്യങ്ങൾ മുഴക്കി. റാലിയിൽ കുട്ടി ഉയർത്തിയ മുദ്രാവാക്യം മറ്റുള്ളവർ സ്വീകരിച്ചു. സംഭവത്തിൻറെ വീഡിയോ ദൃശ്യങ്ങൾ പുറത്തുവന്നതോടെയാണ് വിവാദം പൊട്ടിപ്പുറപ്പെട്ടത്.
