കല്യാണത്തെക്കുറിച്ച് വെളിപ്പെടുത്തി നടി സൊനാക്ഷി സിന്‍ഹ
മുംബൈ : തന്‍റെ വിവാഹത്തെക്കുറിച്ച് കുടുംബാംഗങ്ങൾക്ക് പോലും ഇല്ലാത്ത വിഷമമാണ് നാട്ടുകാർക്ക് എന്ന് നടി സൊനാക്ഷി സിൻഹ. തന്‍റെ സ്വകാര്യ ജീവിതത്തെക്കുറിച്ചും വിവാഹത്തെക്കുറിച്ചും സംസാരിക്കാൻ താൻ ഇതുവരെ തയ്യാറായിട്ടില്ലെന്ന് സൊനാക്ഷി കൂട്ടിച്ചേർത്തു.
ആളുകൾ വളരെ അക്ഷമരാണ്. എന്റെ ജീവിതത്തിൽ എന്താണ് നടക്കുന്നതെന്ന് അറിയാൻ അവർ ആഗ്രഹിക്കുന്നു. അവർ അവരുടെ ഇഷ്ടംപോലെ സങ്കൽപിക്കുകയും ചെയ്യും. എന്റെ ജീവിതത്തെക്കുറിച്ച് ലോകത്തോട് പങ്കുവയ്ക്കാന്‍ തയാറാവാത്തിടത്തോളം കാലം ഞാന്‍ അത് ചെയ്യും. അത്തരം ആളുകളിൽ ഒരാളാണ് ഞാൻ. അത് എന്റെ സോഷ്യൽ മീഡിയയിലും വ്യക്തമാകും. ഞാൻ പങ്കിടാൻ ആഗ്രഹിക്കുന്നത് മാത്രമേ ഞാൻ ലോകത്തോട് പറയൂ. മറ്റൊന്നും ഉണ്ടാകില്ല,” താരം പറഞ്ഞു.
വിവാഹത്തെക്കുറിച്ചുള്ള ചോദ്യങ്ങൾക്കും സൊനാക്ഷി മറുപടി നൽകി. പൊതുജനങ്ങളും മാധ്യമങ്ങളും ചോദിക്കുന്നത് പോലെ എന്റെ മാതാപിതാക്കൾ പോലും വിവാഹത്തെക്കുറിച്ച് ചോദിക്കാറില്ല. എന്റെ മാതാപിതാക്കൾ പോലും അവരെപ്പോലെ ആശങ്കാകുലരല്ല,” സൊനാക്ഷി പറഞ്ഞു. ഇപ്പോൾ തന്‍റെ കരിയറിൽ ശ്രദ്ധ കേന്ദ്രീകരിക്കാൻ ആഗ്രഹിക്കുന്നുവെന്നും താരം പറഞ്ഞു.
