1,444 രൂപ മുതല്‍ വിമാന ടിക്കറ്റ്; വമ്പന്‍ ഓഫറുമായി എയര്‍ ഇന്ത്യ എക്‌സ്പ്രസ്
വിമാന ടിക്കറ്റില്‍ വമ്പന്‍ ഓഫറുമായി എയര്‍ ഇന്ത്യ എക്‌സ്പ്രസ്. എക്‌സ്പസ്ര് ലൈറ്റ് ഓഫറിലൂടെ 1,444 രൂപ മുതല്‍ ടിക്കറ്റുകള്‍ ലഭിക്കും.
നവംബര്‍ 13 വരെ ബുക്ക് ചെയ്യുന്നവര്‍ക്കാണ് ഈ ആനുകൂല്യം ലഭ്യമാകുക. നവംബര്‍ 19 മുതല്‍ 2025 ഏപ്രില്‍ 30 വരെയുള്ള യാത്രക്കാണ് ഈ ഓഫര്‍. എയര്‍ ഇന്ത്യ എക്‌സ്പ്രസിന്റെ വെബ്‌സൈറ്റ് വഴി ബുക്ക് ചെയ്താല്‍ സര്‍വീസ് ചാര്‍ജും ലാഭിക്കാം. 1599 രൂപ മുതലുള്ള എക്‌സ്പ്രസ് വാല്യു ഓഫറും എയര്‍ ഇന്ത്യ നല്‍കുന്നു.
എക്‌സ്പ്രസ് ലൈറ്റ് പാക്കേജ് അനുസരിച്ച് മൂന്ന് കിലോഗ്രാം ആണ് കാബിന്‍ ബഗ്ഗേജായി കൊണ്ടുപോകാന്‍ സാധിക്കുക. ആഭ്യന്തര ടിക്കറ്റില്‍ 1000 രൂപ അധികം നല്‍കിയാല്‍ 15 കിലോ ചെക്കിന്‍ ബഗ്ഗേജ് സൗകര്യമുണ്ട്. അതേസമയം അന്താരാഷ്ട്ര ടിക്കറ്റില്‍ 1300 രൂപക്ക് 20 കിലോഗ്രാം ചെക്കിന്‍ ബഗ്ഗേജ് സൗകര്യം ലഭിക്കും.
ബിസിനസ് ക്ലാസിന് 25 ശതമാനം ഡിസ്‌കൗണ്ടും ലോയല്‍റ്റി അംഗങ്ങള്‍ക്ക് അധിക ആനുകൂല്യങ്ങളും ലഭ്യമാകും. കൂടാതെ പതിവ് യാത്രക്കാര്‍ക്ക് പ്രീമിയം ഭക്ഷണം, ഇഷ്ടപ്പെട്ട സീറ്റ്, എക്‌സ്പ്രസ് സര്‍വീസ് എന്നി സൗകര്യങ്ങള്‍ 25 ശതമാനം ഇളവില്‍ ലഭിക്കും.
