ഭാര്യയെ കാണാനില്ലെന്ന് പോലീസില് പരാതി നല്കി രണ്ടു മാസമായിട്ടും വിവരംകിട്ടാത്ത മനോവിഷമത്തില് ഭർത്താവ് ആത്മഹത്യ ചെയ്തു,മൂന്നുദിവസം കഴിഞ്ഞ് ഭാര്യയെ കണ്ടെത്തി
ആലപ്പുഴ: ഭാര്യയെ കാണാനില്ലെന്ന് പോലീസില് പരാതി നല്കി രണ്ടു മാസമായിട്ടും വിവരംകിട്ടാത്ത മനോവിഷമത്തില് ഭർത്താവ് ആത്മഹത്യ ചെയ്തു.കായംകുളം കണ്ണമ്ബള്ളിഭാഗം വിഷ്ണു ഭവനത്തില് വിനോദ് (49) ആണ് വെള്ളിയാഴ്ച മരിച്ചത്. മൂന്നുദിവസം കഴിഞ്ഞ് ഭാര്യയെ കണ്ടെത്തുകയും ചെയ്തു. കണ്ണൂരില് ഹോംനഴ്സായി ജോലി ചെയ്തിരുന്ന ഭാര്യ രഞ്ജിനി(45)യെ ചൊവ്വാഴ്ചയാണ് കായംകുളം പോലീസ് കണ്ടെത്തിയത്.
ജൂണ് 11-ന് രാവിലെ 10.30-ഓടെ ബാങ്കിലേക്കെന്നു പറഞ്ഞാണ് രഞ്ജിനി വീട്ടില്നിന്ന് ഇറങ്ങിയത്. ഇവർ സെക്രട്ടറിയായ കുടുംബശ്രീ യൂണിറ്റ്, കാനറ ബാങ്കില്നിന്ന് ഒന്നേകാല് ലക്ഷത്തോളം രൂപ വായ്പയെടുത്തിരുന്നു. അതിന്റെ തിരിച്ചടവിനായി പോകുന്നെന്നാണ് വീട്ടില് പറഞ്ഞത്. എന്നാല്, തിരിച്ചെത്താഞ്ഞതിനാല് ഭർത്താവ് പോലീസില് പരാതിനല്കി.