ഭര്ത്താവിനെ കൊന്ന് വീടിന്റെ പരിസരത്ത് കുഴിച്ചിട്ട 38-കാരി പിടിയില്
ഗുവാഹത്തി: അസമില് ഭര്ത്താവിനെ കൊന്ന് വീടിന്റെ പരിസരത്ത് കുഴിച്ചിട്ട 38-കാരി പിടിയില്. കുടുംബ വഴക്കിനെ തുടര്ന്ന് ഭര്ത്താവ് സബിയാലിനെ ആണ് ഭാര്യ റഹീമാ ഖാത്തൂന് ജൂണ് 26ന് കൊലപ്പെടുത്തിയത്. ആക്രിക്കച്ചവടമായിരുന്നു സബിയാലിന്റെ ജോലി. ജോലി കഴിഞ്ഞെത്തിയ സബിയാലുമായി റഹീമ വഴക്കിടുകയും തുടര്ന്ന് കൊലപാതകം നടത്തുകയുമായിരുന്നു. വീടിന്റെ പരിസരത്ത് അഞ്ചടി താഴ്ച്ചയുള്ള കുഴിയെടുത്ത് സബിയാലിന്റെ മൃതദേഹം മറവുചെയ്യുകയായിരുന്നു.
ഭര്ത്താവിനെ കൊലപ്പെടുത്തിയ ശേഷം അദ്ദേഹം ജോലിക്കായി കേരളത്തില് പോയെന്നായിരുന്നു റഹീമ നാട്ടില് പ്രചരിപ്പിച്ചിരുന്നത്. എന്നാല് ഏറെ നാളായിട്ടും സബിയാലിനെ കുറിച്ച് വിവരം ലഭിക്കാത്തതിനാല് സബിയാലിന്റെ സഹോദരന് പൊലീസില് പരാതി നല്കുകയായിരുന്നു. പരാതി നല്കിയ തൊട്ടടുത്ത ദിവസം തന്നെ റഹീമ പൊലീസ് സ്റ്റേഷനില് കീഴടങ്ങുകയായിരുന്നു.
പൊലീസ് സ്റ്റേഷനില് നടത്തിയ ആദ്യ ചോദ്യം ചെയ്യലില് തന്നെ റഹീമാ ഖാത്തൂന് കുറ്റസമ്മതം നടത്തുകയായിരുന്നു.