ബംഗളൂരുവില് മെഡിക്കല് വിദ്യാര്ഥിനിയെ ജീവനൊടുക്കിയ നിലയില് കണ്ടെത്തി
ബംഗളൂരു: കർണാടകയില് മെഡിക്കല് വിദ്യർഥിനി ജീവനൊടുക്കി. യശ്വസിനി എന്ന പെണ്കുട്ടിയെയാണ് ബംഗളൂരുവിലെ ചന്ദപുരയിലെ വസതിയില് മരിച്ച നിലയില് കണ്ടെത്തിയത്.സംഭവത്തില് അധ്യാപകർക്കെതിരെ ആരോപണവുമായി യശസ്വിനിയുടെ മാതാപിതാക്കള് രംഗത്തെത്തി. യശസ്വിനിയെ സഹപാഠികളുടെ മുന്നില് വച്ച് അധ്യാപകർ അപമാനിച്ചുവെന്നും അവളുടെ നിറത്തെക്കുറിച്ചും വസ്ത്രത്തെക്കുറിച്ചും മോശം പരാമർശം നടത്തിയെന്നും ബന്ധുക്കള് ആരോപിച്ചു.
ഒരിക്കല് കണ്ണിന് വേദനയുണ്ടെന്ന് പരാതിപ്പെട്ടപ്പോള് അധ്യാപകൻ അശ്ലീല ഭാഷ ഉപയോഗിച്ചതായും ആരോപണമുണ്ട്. യശസ്വിനിക്ക് സെമിനാറുകളില് പങ്കെടുക്കാൻ അനുമതി നിഷേധിച്ചുവെന്നും ബന്ധുക്കള് പറഞ്ഞു.
യുവതിയുടെ മാതാവിന്റെ പരാതിയുടെ അടിസ്ഥാനത്തില് കോളജ് പ്രിൻസിപ്പല് ഉള്പ്പെടെ അഞ്ച് അധ്യാപകർക്കെതിരെ സൂര്യനഗർ പോലീസ് സ്റ്റേഷനില് കേസ് ഫയല് ചെയ്തിട്ടുണ്ട്.