വിദേശ തൊഴില് വായ്പ പദ്ധതി:അപേക്ഷ ക്ഷണിച്ചു
കണ്ണൂർ: സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് സംസ്ഥാന പട്ടികജാതി വികസന വകുപ്പുമായി ചേര്ന്ന് നടപ്പാക്കുന്ന വിദേശ തൊഴില് വായ്പ പദ്ധതിയില് അപേക്ഷ ക്ഷണിച്ചു.
അപേക്ഷകര് പട്ടിക ജാതിയില്പ്പെട്ട അഭ്യസ്തവിദ്യരായ തൊഴില് രഹിതരും ഏതെങ്കിലും വിദേശ രാജ്യത്തെ അംഗീകൃത തൊഴില് ദാതാവില് നിന്നും തൊഴില് നല്കുന്നതിന് ഓഫര് ലെറ്റര് ലഭിച്ചിട്ടുള്ളവരും ആകണം. നോര്ക്ക റൂട്ട്സ്, ഒഡെപെക് എന്നീ സ്ഥാപനങ്ങള് സ്പോണ്സര് ചെയ്യുന്ന അപേക്ഷകര്ക്ക് മുന്ഗണന.
അപേക്ഷകര് 18നും 55നും ഇടയില് പ്രായം ഉള്ളവർ ആയിരിക്കണം. കുടുംബ വാര്ഷിക വരുമാനം 350000 രൂപയില് കവിയരുത്. പരമാവധി വായ്പ തുക രണ്ട് ലക്ഷം രൂപ. ഒരു ലക്ഷം രൂപ വരെ സബ്സിഡി ലഭിക്കും. വായ്പയുടെ പലിശ നിരക്ക് ആറ് ശതമാനവും തിരിച്ചടവ് കാലയളവ് മൂന്ന് വര്ഷവുമാണ്.
അപേക്ഷകര്ക്ക് വിദേശത്ത് തൊഴില് ചെയ്യുന്നതിനുള്ള വര്ക്ക് എഗ്രിമെന്റ്, വിസ, പാസ്പോര്ട്ട്, എമിഗ്രേഷന് സര്ട്ടിഫിക്കറ്റ് (ആവശ്യമെങ്കില്) എന്നിവ ലഭിച്ചിരിക്കണം. വായ്പ തുകക്ക് കോര്പ്പറേഷന്റെ നിബന്ധനകള്ക്ക് അനുസരിച്ച് ആവശ്യമായ ജാമ്യം ഹാജരാക്കണം. അപേക്ഷ ഫോറത്തിനും വിശദ വിവരങ്ങള്ക്കും പട്ടികജാതി പട്ടികവര്ഗ്ഗ വികസന കോര്പ്പറേഷൻ ജില്ലാ ഓഫീസുമായി ബന്ധപ്പെടണം.
ഫോണ്: 04972705036, 9400068513