സ്വര്ണവിലയില് വീണ്ടും വര്ധന
സ്വര്ണവിലയില് വീണ്ടും വര്ധന. പവന് 480 രൂപ വര്ധിച്ച് 95,680 രൂപയിലെത്തി. ഗ്രാമിന് 60 രൂപ വര്ധിച്ച് 11,960 രൂപയായി.24 കാരറ്റ് ഒരു ഗ്രാം സ്വര്ണത്തിന് 13,048 രൂപയായി. 18 കാരറ്റ് ഒരു ഗ്രാം സ്വര്ണത്തിന് 9,786 രൂപയാണ് വില.
രാജ്യാന്തര വിപണിയില് സ്വര്ണവില വലിയ തോതില് കൂടിയിട്ടുണ്ട്. അമേരിക്കന് ഫെഡറല് ബാങ്ക് പലിശ നിരക്ക് കുറയ്ക്കാന് പോകുന്നതാണ് സ്വര്ണവില കൂടാന് കാരണം. ഡിസംബര് പത്തിനാണ് അമേരിക്കന് കേന്ദ്ര ബാങ്ക് ഫെഡറല് റിസര്വിന്റെ നിര്ണായക യോഗം. അമേരിക്കന് ഡോളര് മൂല്യം കുറയുന്നതും സ്വര്ണവില കൂടുന്നതിന് പ്രധാന കാരണമാണ്.