ഹേമ കമ്മിറ്റി റിപ്പോര്ട്ട് ഇന്ന് സര്ക്കാര് പുറത്തുവിടില്ല.
ചലച്ചിത്ര മേഖലയിലെ സ്ത്രീകളുടെ പ്രശ്നങ്ങള് പഠിച്ചുകൊണ്ട് സമര്പ്പിച്ച ജസ്റ്റിസ് ഹേമ കമ്മിറ്റി റിപ്പോര്ട്ട് ഇന്ന് സര്ക്കാര് പുറത്തുവിടില്ല. റിപ്പോര്ട്ട് പുറത്തുവിടും മുന്പ് നിയമ സെക്രട്ടറിയുമായി കൂടിയാലോചന വേണമെന്ന നിലപാടിലാണ് സര്ക്കാര്. റിപ്പോര്ട്ട് പുറത്തുവിടരുതെന്ന് ചൂണ്ടിക്കാട്ടി നടി രഞ്ജിനി അപ്പീല് നല്കിയിരുന്നു. അപ്പീലില് ഇടക്കാല ഉത്തരവൊന്നും വന്നിട്ടില്ല. ഹേമ കമ്മിറ്റി റിപ്പോര്ട്ട് പുറത്തുവിടുന്നതില് തടസമില്ലെന്ന് സര്ക്കാരിന് നിയമോപദേശം ലഭിച്ചെങ്കിലും നിയമസെക്രട്ടറിയുമായി കൂടിക്കാഴ്ച നടത്തിയിട്ടേ റിപ്പോര്ട്ട് പുറത്തിവിടുന്നുള്ളൂ എന്നാണ് സര്ക്കാര് തീരുമാനിച്ചിരിക്കുന്നത്. അതിനാല് ഇന്ന് റിപ്പോര്ട്ട് പുറത്തുവരില്ല. നിയമതടസങ്ങള് ഇല്ലാതിരുന്നിട്ടും റിപ്പോര്ട്ട് പുറത്തുവിടുന്നതില് കാലതാമസം നേരിടുന്നത് ഡബ്യുസിസിയില് നിന്നടക്കം വിമര്ശനങ്ങള്ക്ക് കാരണമായിട്ടുണ്ട്