കരിപ്പൂരിൽനിന്ന് ജിദ്ദയിലേക്ക് കൂടുതൽ വിമാന സർവീസുമായി ഇൻഡിഗോ.
കോഴിക്കോട്: കരിപ്പൂരിൽനിന്ന് ജിദ്ദയിലേക്ക് കൂടുതൽ വിമാന സർവീസുമായി ഇൻഡിഗോ. അടുത്ത മാസം ഒന്നു മുതൽ ആഴ്ചയിൽ പുതുതായി നാലു സർവീസുകൾ കൂടി കോഴിക്കോട്ട് നിന്ന് ജിദ്ദയിലേക്ക് ഇൻഡിഗോ ആരംഭിക്കും. നിലവിൽ ഏഴു സർവീസുകളാണ് ജിദ്ദയിലേക്കും തിരിച്ചും കോഴിക്കോട്ടുനിന്നുള്ളത്. ഇത് 11 സർവീസുകളാക്കാനാണ് നീക്കം. ഉച്ചയ്ക്ക് 1.50ന് കോഴിക്കോട്ട് നിന്ന് ജിദ്ദയിലേക്ക് പുറപ്പെടും. സൗദി സമയം വൈകിട്ട് 5.30ന് ജിദ്ദയിൽനിന്ന് കോഴിക്കോട്ടേക്ക് തിരിച്ചു പുറപ്പെടുന്ന തരത്തിലാണ് ഷെഡ്യൂൾ തയ്യാറാക്കിയിരിക്കുന്നത്.
കോഴിക്കോട്-ഫുജൈറ സെക്ടറിലും പുതിയ സർവീസ് ഇനൻഡിഗോ ആരംഭിക്കുന്നുണ്ട്. റാസൽ ഖൈമ-കോഴിക്കോട് സെക്ടറിൽ ആഴ്ചയിൽ അഞ്ചു സർവീസുകൾ ആരംഭിക്കും. കോഴിക്കോട് നിന്ന് പുലർച്ചെ 3.05ന് റാസൽ ഖൈമയിലേക്ക് പുറപ്പെടുന്ന വിമാനം പ്രാദേശിക സമയം പകൽ 3.05ന് കോഴിക്കോട്ടേക്ക് തിരിക്കും.
