വൺവെബ് ഉപഗ്രഹ വിക്ഷേപണത്തിലൂടെ ഐഎസ്ആർഒ നേടുക 2000 കോടി
ശ്രീഹരിക്കോട്ട: സാറ്റലൈറ്റ് ഇന്‍റർനെറ്റ് സേവനത്തിനായി രൂപകൽപ്പന ചെയ്ത 72 ഉപഗ്രഹങ്ങൾ വിക്ഷേപിക്കുന്നതിനായി ഇന്ത്യൻ ബഹിരാകാശ ഏജൻസിയായ ഐഎസ്ആർഒയ്ക്ക് വൺവെബ് നൽകുക 2,000 കോടി രൂപ.
ഫ്രഞ്ച് ഉപഗ്രഹ കമ്പനിയായ യൂടെല്‍സാറ്റ് കമ്മ്യൂണിക്കേഷനും വൺവെബും തമ്മിലുള്ള ലയനം 2023 ഏപ്രിൽ-മെയ് മാസങ്ങളിൽ പൂർത്തിയാകുമെന്നും യൂടെല്‍സാറ്റ് പൂർണ്ണമായും വൺവെബിന്‍റെ സഹ-സ്ഥാപനമായി മാറുമെന്നും കമ്പനിയിലെ ഒരു ഉന്നത ഉദ്യോഗസ്ഥനെ ഉദ്ധരിച്ച് ഐഎഎൻഎസ് റിപ്പോർട്ട് ചെയ്തു.
ഞായറാഴ്ച പുലർച്ചെ 12.07ന് ജിഎസ്എൽവി മാർക്ക് 3 റോക്കറ്റിൽ 36 ഉപഗ്രഹങ്ങൾ വിക്ഷേപിക്കാൻ ഐഎസ്ആർഒയ്ക്ക് 1,000 കോടി രൂപ നൽകുമെന്ന് വൺവെബ് ചെയർമാൻ സുനിൽ മിത്തൽ ഭാരതി അടുത്തിടെ പ്രഖ്യാപിച്ചിരുന്നു. ജനുവരിയിൽ നടക്കുന്ന മറ്റൊരു വിക്ഷേപണത്തിൽ 36 ഉപഗ്രഹങ്ങളും വിക്ഷേപിക്കും.
