ജമ്മു കാശ്മീരിലെ പൊലീസ് സ്റ്റേഷനില് വൻ സ്ഫോടനം; ഏഴുപേര് മരിച്ചു, 20പേര്ക്ക് പരിക്ക്
ജമ്മു കശ്മീരിലെ നൗഗാം പൊലിസ് സ്റ്റേഷനിലുണ്ടായ വൻ സ്ഫോടനത്തില് 7 മരണം. 20 പേർക്ക് പരിക്കേറ്റു. പരിക്കേറ്റവരില് 5 പേരുടെ നില ഗുരുതരമാണ്.ഫരീദാബാദില് ഭീകരരില് നിന്ന് പിടിച്ചെടുത്ത സ്ഫോടക വസ്തുക്കള് പരിശോധിക്കുന്നതിനിടെ പൊട്ടിത്തെറിക്കുകയായിരുന്നു. ഭീകരരില് നിന്ന് പിടിച്ച അമോണിയം നൈട്രേറ്റ് ഉള്പ്പടെ ഇവിടെ സൂക്ഷിച്ചിരുന്നു. തഹസീല്ദാർ അടക്കം ഉദ്യോഗസ്ഥരും സ്റ്റേഷനില് ഉണ്ടായിരുന്നു. സംഭവത്തില് പൊലീസ് വിശദമായ അന്വേഷണം ആരംഭിച്ചിട്ടുണ്ട്.