ഗുരുവായൂരില് റീല്സ് ചിത്രീകരണം; ജസ്ന സലീമിനെതിരെ കേസെടുത്തു
ഹൈക്കോടതി ഉത്തരവ് ലംഘിച്ച് വീണ്ടും ഗുരുവായൂരില് റീല്സ് ചിത്രീകരണം. കൃഷ്ണന്റെ ചിത്രങ്ങള് വരച്ച് ശ്രദ്ധിക്കപ്പെട്ട ചിത്രകാരി ജസ്ന സലീമിനെതിരെ ഗുരുവായൂർ പൊലീസ് കേസെടുത്തു. പടിഞ്ഞാറേ നടയില് നിന്നാണ് ജസ്ന റീല്സ് ചിത്രീകരിച്ചത്. നേരത്തെ ഇവർ റിയല്സ് ചിത്രീകരിച്ചതും കേക്ക് മുറിച്ചതും ഹൈക്കോടതിയില് പരാതിയായി എത്തിയിരുന്നു. തുടർന്ന് ഹൈക്കോടതി ഗുരുവായൂർ ക്ഷേത്രത്തില് ചിത്രീകരണത്തിന് നിയന്ത്രണം ഏർപ്പെടുത്തിയിരുന്നു.
ഈ നിയന്ത്രണം നിലനില്ക്കുകയാണ് ജസ്ന വീണ്ടും റീല്സ് ചിത്രീകരിച്ചത്. ജസ്ന സലീമിനൊപ്പം ആർ എല് ബ്രൈറ്റ് ഇൻ എന്ന വ്ളാഗർക്കെതിരെയും കേസെടുത്തിട്ടുണ്ട്. അഡ്മിനിസ്ട്രേറ്ററുടെ പരാതിയിലാണ് കേസെടുത്തത്.ക്ഷേത്രത്തിന്റെ ഭാഗമായ പവിത്രക്കുളത്തില് വീഡിയോ ചിത്രീകരണത്തിന് വിലക്ക് ഏര്പ്പെടുത്തിയിരുന്നു. അഹിന്ദുക്കള്ക്ക് കുളത്തിലിറങ്ങാൻ അനുമതിയുമില്ല. അനുമതിയില്ലാതെ റീല്സ് ചിത്രീകരിച്ചതിനെതിരെ ദേവസ്വം അഡ്മിനിസ്ട്രേറ്ററാണ് പരാതി നല്കിയത്. പരാതി പൊലീസ് കോടതിക്ക് കൈമാറി.