എസ്ഐആർ സമയപരിധി നീട്ടി

കണ്ണൂർ: കേരളത്തിൽ തീവ്ര വോട്ടർ പട്ടിക പരിഷ്കരണവുമായി ബന്ധപ്പെട്ട് എതിർപ്പുകളും പരാതികളും അറിയിക്കാനുള്ള സമയപരിധി 30 വരെ നീട്ടി.

തീയതി നീട്ടണമെന്ന് കേരളം ആവശ്യപ്പെട്ടിരുന്നു. സുപ്രീം കോടതിയും ഇക്കാര്യം തിരഞ്ഞെടുപ്പ് കമ്മീഷനോട് നിർദേശിച്ചിരുന്നു.

വ്യക്തികൾക്കും രാഷ്ട്രീയ പാർട്ടികൾക്കും ഈ കാലയളവിൽ പരാതികൾ സമർപ്പിക്കാം. ഡിസംബർ 23ന് ആണ് കേരളത്തിൽ കരട് വോട്ടർ പട്ടിക പ്രസിദ്ധീകരിച്ചത്.