ചുട്ടു പൊള്ളി കേരളം,ജാഗ്രതാ നിര്ദേശവുമായി സംസ്ഥാന ദുരന്ത നിവാരണ അതോറിറ്റി
കേരളത്തില് കഴിഞ്ഞ 24 മണിക്കൂറില് ഉയർന്ന അള്ട്രാവയലറ്റ് സൂചിക രേഖപ്പെടുത്തിയ സാഹചര്യത്തില് പൊതുജനങ്ങള്ക്കായി ആരോഗ്യ-സുരക്ഷാ ജാഗ്രതാ നിർദ്ദേശം പുറപ്പെടുവിച്ച് സംസ്ഥാന ദുരന്ത നിവാരണ അതോറിറ്റി.സൂര്യപ്രകാശത്തിലെ അള്ട്രാവയലറ്റ് രശ്മികള് തുടർച്ചയായി ശരീരത്തില് ഏല്ക്കുന്നത് സൂര്യാതപം, ത്വക്ക് രോഗങ്ങള്, നേത്രരോഗങ്ങള് എന്നിവയുള്പ്പെടെയുള്ള ഗുരുതരമായ ആരോഗ്യ പ്രശ്നങ്ങള്ക്ക് കാരണമായേക്കാം എന്ന് അധികൃതർ മുന്നറിയിപ്പ് നല്കി.
പകല് 10 മണി മുതല് 3 മണി വരെയുള്ള സമയങ്ങളിലാണ് അള്ട്രാവയലറ്റ് സൂചിക ഏറ്റവും ഉയർന്ന നിലയില് രേഖപ്പെടുത്തുന്നത്. അതിനാല് ഈ സമയത്ത് നേരിട്ട് വെയില് ഏല്ക്കുന്നത് പരമാവധി ഒഴിവാക്കേണ്ടതാണെന്ന് സംസ്ഥാന ദുരന്ത നിവാരണ അതോറിറ്റി നിർദ്ദേശം നല്കിയിട്ടുണ്ട്. ബൈക്ക് യാത്രക്കാർ, പുറം ജോലികളില് ഏർപ്പെടുന്നവർ, കടലിലും ഉള്നാടൻ ജലാശയങ്ങളിലും പോകുന്ന മത്സ്യത്തൊഴിലാളികള്, വിനോദസഞ്ചാരികള് എന്നിവർക്ക് പുറമെ ചർമ്മ-നേത്ര രോഗങ്ങളുള്ളവരും പ്രതിരോധശേഷി കുറഞ്ഞവരും ജാഗ്രത പാലിക്കണമെന്ന് നിർദ്ദേശമുണ്ട്.