സംസ്ഥാനത്ത് കോഴിയിറച്ചിയുടെ വില കുതിക്കുന്നു
സംസ്ഥാനത്ത് കോഴിയിറച്ചിയുടെ വില കുതിക്കുന്നു.കോഴിക്കോട് ഇന്ന് ഒരു കിലോ കോഴിയിറച്ചിക്ക് 280 മുതല് 290 രൂപ വരെയാണ് വില. ചില്ലറ വില്പ്പനയില് പോലും കിലോയ്ക്ക് 180 രൂപ വരെ ഈടാക്കുന്ന സാഹചര്യമാണ് നിലവിലുള്ളത്.
കഴിഞ്ഞ ഒരു മാസത്തിനിടെ ഇറച്ചിക്കോഴിയുടെ വിലയില് 50 രൂപയിലധികമാണ് വര്ധിച്ചത്. വരും ദിവസങ്ങളിലും വിലകൂടാന് സാധ്യതയുണ്ടെന്ന് വ്യാപാരികള് മുന്നറിയിപ്പ് നല്കുന്നു.മൂന്നു ആഴ്ച മുന്പ് 170 രൂപയായിരുന്നു കിലോ വില. പിന്നീട് രണ്ടാഴ്ച മുന്പ് ബ്രോയിലര് കോഴിക്ക് 200 രൂപയായി ഉയര്ന്നു.
ലഗോണ് ഇറച്ചിക്ക് കിലോയ്ക്ക് 230 രൂപയും സ്പ്രിംഗ് കോഴിക്ക് 340 രൂപയുമായി വില വര്ധിച്ചു. ഇത്രയും വലിയ വിലവര്ധന മുമ്ബെങ്ങുമുണ്ടായിട്ടില്ലെന്ന് ചിക്കന് വ്യാപാരി സമിതി ഭാരവാഹി ഫിറോസ് പൊക്കുന്ന് പറഞ്ഞു.വന്കിട ഫാമുടമകള് കൃത്രിമ ക്ഷാമം സൃഷ്ടിച്ചാണ് വില ഉയര്ത്തുന്നതെന്നാണ് ചെറുകിട വ്യാപാരികളുടെ ആരോപണം.