പെണ്സുഹൃത്ത് വീട്ടില് വിളിച്ചുവരുത്തി വിഷം നല്കി’; കോതമംഗലത്തെ യുവാവിൻറെ മരണത്തില് യുവതി കസ്റ്റഡിയില്
കോതമംഗലത്ത് യുവാവ് വിഷം ഉള്ളില്ച്ചെന്ന് മരിച്ച സംഭവത്തില് പെണ്സുഹൃത്ത് പോലീസ് കസ്റ്റഡിയില്. മാതിരപ്പള്ളി മേലേത്തുമാലില് അലിയാരുടെ മകൻ അൻസില് (38) ആണ് മരിച്ചത്.വ്യാഴാഴ്ച രാത്രി എട്ടരയോടെ കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയുമ്ബോഴായിരുന്നു മരണം.
പെണ്സുഹൃത്ത് വീട്ടില് വിളിച്ചുവരുത്തി തനിക്ക് വിഷം നല്കിയെന്ന് ആശുപത്രിയിലേക്ക് കൊണ്ടുപോകുന്നതിനിടെ ആംബുലൻസില്വെച്ച് അൻസില് സുഹൃത്തിനോടു പറഞ്ഞിരുന്നു. സുഹൃത്ത് ഇക്കാര്യം പോലീസിനെ അറിയിച്ചു. ഇതിന് പിന്നാലെയാണ് ചേലാട് സ്വദേശിനിയായ മുപ്പതുകാരിയെ കോതമംഗലം പോലീസ് കസ്റ്റഡിയിലെടുത്തത്.
മാലിപ്പാറയിലുള്ള പെണ്സുഹൃത്തിന്റെ വീട്ടില്വെച്ചാണ് അൻസിലിന്റെ ഉള്ളില് വിഷംചെന്നത്. വ്യാഴാഴ്ച പുലർച്ചെ രണ്ടരയോടെ ആയിരുന്നു ഇത്. തുടർന്ന് അൻസിലും പെണ്സുഹൃത്തും ഇക്കാര്യം പോലീസില് അറിയിച്ചെന്നാണ് വിവരം. പോലീസെത്തി ആദ്യം കോതമംഗലം താലൂക്ക് ആശുപത്രിയില് പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി കൊച്ചിയിലെ സ്വകാര്യ ആശുപത്രിയിലേക്ക് കൊണ്ടുപോവുകയായിരുന്നു.