ജിത്തു ജോസഫ്-ആസിഫ് അലി ചിത്രം ‘മിറാഷ്’ ഒടിടിയിലേക്ക്; ഒക്ടോബർ 20 ന് സ്ട്രീമിംഗ് ആരംഭിക്കും
മികച്ച ത്രില്ലർ സിനിമകളുടെ സംവിധായകൻ ജീത്തു ജോസഫ് ഒരുക്കിയ ആസിഫ് അലി, അപർണ ബാലമുരളി എന്നിവർ പ്രധാന കഥാപാത്രങ്ങളായെത്തിയ ചിത്രം മിറാഷ് ഒടിടിയിലേക്ക്.
ഒക്ടോബർ 20 മുതലാകും ചിത്രം സ്ട്രീമിംഗ് ആരംഭിക്കുക.സോണി ലിവിനാണ് മിറാഷിന്റെ ഒടിടി സ്ട്രിമിംഗ് അവകാശം വിറ്റു പോയിരിക്കുന്നത്. ഇതോട് അനുബന്ധിച്ചുള്ള ട്രെയിലർ സോണി ലിവ് പുറത്തിറക്കിയിട്ടുണ്ട്. തിയറ്ററിൽ മിസായവർക്കും വീണ്ടും കാണാൻ ആഗ്രഹിക്കുന്നവർക്കും മികച്ചൊരു അനുഭവം ഒടിടി റിലീസ് സമ്മാനിക്കുമെന്ന് ഉറപ്പാണ്. സെപ്റ്റംബർ 19ന് ആയിരുന്നു മിറാഷ് തിയറ്ററുകളിൽ എത്തിയത്. റിലീസ് ചെയ്ത് 32-ാം ദിനമാണ് ഒടിടി റിലീസും.
അഭിരാമി, അശ്വിൻ, കിരൺ, ഹക്കീം ഷാജഹാൻ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഇൻവെസ്റ്റിഗേറ്റീവ് ജേണലിസ്റ്റായാണ് ആസിഫ് അലി ചിത്രത്തിൽ എത്തിയിരിക്കുന്നത്.