പാലക്കാട് വൈദ്യുതക്കെണി ഉപയോഗിച്ച് മീൻ പിടിക്കുന്നതിനിടെ യുവാവ് മരിച്ചു
പാലക്കാട് വടക്കഞ്ചേരിയില് യുവാവ് മരിച്ച സംഭവത്തില് സുഹൃത്ത് അറസ്റ്റില്. ചൂലിപ്പാടം പള്ളിക്കല് വീട്ടില് ആഷിഫാണ് (21) അറസ്റ്റിലായത്.മുഹമ്മദ് റാഫിയാണ് മരിച്ചത്. വെള്ളിയാഴ്ച ഇരുവരും ചേർന്ന് വൈദ്യുതക്കെണി ഉപയോഗിച്ച് തോട്ടില് മീൻ പിടിക്കുന്നതിനിടെ മുഹമ്മദ് റാഫിക്ക് ഷോക്കേല്ക്കുകയായിരുന്നു. പോസ്റ്റ്മോർട്ടത്തില് ഷോക്കേറ്റതാണ് മരണ കാരണമെന്നും തെളിഞ്ഞു. സമീപത്തുള്ള വൈദ്യുത പോസ്റ്റില് നിന്ന് അനധികൃതമായി വൈദ്യുതി എടുക്കുകയായിരുന്നെന്ന് പൊലീസ് പറഞ്ഞു. ആഷിഫിന്റെ പേരില് മനപൂർവ്വമല്ലാത്ത നരഹത്യക്കും വൈദ്യുത മോഷണത്തിനുമാണ് കേസെടുത്തിട്ടുള്ളത്.സംഭവ സ്ഥലത്ത് നിന്ന് വൈദ്യുതി എടുക്കാനുപയോഗിച്ച വയറും തോട്ടിയും പൊലീസ് കസ്റ്റഡിയിലെടുത്തു.